106 वर्षांच्या आजोबांची कोरोनावर मात, ठणठणीत होऊन परतले घरी

By Babita.Durande On July 5, 2020 7:45 pm

नवी दिल्ली | दिल्ली मधील 106 वर्षांच्या आजोबांनी कोरोनाला यशस्वी लढा दिला आहे. एवढंच नाही तर ते ठणठणीत होऊन घरीही परतले आहेत.

कोरोनातून ठणठणीत बरे झालेल्या 106 वर्षांच्या आजोबांना राजीव गांधी सुपरस्पेशालिटी हॉस्पिटलमधून डिस्चार्ज देण्यात आला आहे. कोरोना व्हायरसच्या संसर्गातून बरे झाल्यानंतर या आजोबांच्या पत्नी, मुलगा आणि कुटुंबातील इतरांनाही डिस्चार्ज देण्यात आला आहे, असं डॉक्टरांनी सांगितलं आहे.

या 106 वर्षीय रुग्णाने या अगोदर 1918 साली स्पॅनिश फ्लू पाहिला होता. त्यावेळी स्पॅनिश फ्लूने जगभरात हाहाकार माजवला होता. स्पॅनिश फ्लूच्या महासाथीच्या वेळी ते केवळ 4 वर्षांचे होते.

दरम्यान, ‘स्पॅनिश फ्लू’मुळे चार ते पाच कोटी लोकांचा मृत्यू झाला होता. म्हणजेच त्यावेळी असणाऱ्या जागतिक लोकसंख्येच्या 1.7 टक्के लोकांचा या आजारामुळे मृत्यू झाल्याची माहिती आहे.

ट्रेंडिंग बातम्या-