Bitcoin Scam | महाराष्ट्रासह देशभरात मोठ्या प्रमाणावर बिटकॉईन घोटाळ्याचे जाळे उघडकीस आले असून, तब्बल 6,800 कोटी रुपयांचा हा आर्थिक गैरव्यवहार असल्याचे समोर आले आहे. या प्रकरणात पुणे, नांदेड, कोल्हापूर, दिल्ली, बेंगळुरू आणि अन्य शहरांमध्ये सीबीआयने (CBI) छापेमारी केली आहे. या कारवाईत बिटकॉईन घोटाळ्यातील अनेक महत्त्वाचे पुरावे हाती लागल्याचे सांगितले जात आहे.(Bitcoin Scam)
दुबईतून प्रकरणाचा सूत्रसंचालन-
या बिटकॉईन घोटाळ्याचा प्रमुख सूत्रधार सध्या दुबईत राहत असून, त्याच्या नेतृत्वाखाली हा संपूर्ण आर्थिक फसवणुकीचा प्रकार चालवला जात होता. बिटकॉईन व्यवहाराच्या माध्यमातून गुंतवणूकदारांना मोठा नफा मिळवून देण्याच्या नावाखाली लाखो लोकांची फसवणूक करण्यात आली. तपास यंत्रणांच्या अहवालानुसार, 9 लाखांहून अधिक गुंतवणूकदारांनी या स्कीममध्ये आपली गुंतवणूक केली होती. गुंतवणुकीच्या नावाखाली मोठी फसवणूक झाली असून, अनेक पीडित गुंतवणूकदारांना आपला पैसा गमवावा लागला आहे.
बिटकॉईन व्यवहाराच्या आडोशाखाली ई-कॉमर्स प्लॅटफॉर्मच्या माध्यमातून मोठा घोटाळा करण्यात आला. पोलिसांनी या प्रकरणातील महत्त्वाचे डिजिटल पुरावे जप्त केले आहेत. यामध्ये अनेक बनावट कंपन्या आणि खात्यांद्वारे पैशांची अफरातफर झाल्याचे स्पष्ट झाले आहे. तपास यंत्रणांनी सुमारे ₹500 कोटींची मालमत्ता गोठवली असून, पुढील कारवाई सुरू आहे.
पुणे आणि नांदेडमध्ये मोठा खुलासा-
पुण्यात देखील काही ठिकाणी सीबीआयच्या विशेष पथकांनी छापेमारी केली. अनेक महत्त्वाची कागदपत्रे आणि डिजिटल डिव्हाइसेस जप्त करण्यात आले आहेत. नांदेड शहरात देखील या घोटाळ्याचा मोठा परिणाम दिसून आला आहे. सुमारे 500 कोटी रुपयांहून अधिक रकमेचा व्यवहार संशयास्पद ठरला असून, त्याचा तपास सुरू आहे. (Bitcoin Scam)
या प्रकरणातील आरोपींनी राजकीय संपर्कांचा फायदा घेतल्याचा संशय असून, काही प्रभावशाली व्यक्तींची नावे तपास यंत्रणांच्या रडारवर आहेत. सीबीआयने (CBI) अनेक बँक खाते, मोबाईल डेटा आणि आर्थिक व्यवहारांचा तपशील जप्त केला आहे. पुढील काही दिवसांत आणखी मोठ्या कारवाईची शक्यता व्यक्त केली जात आहे.
Title : 6800 Crore Bitcoin Scam CBI Raids Across India
