भारतीय लष्करातील सात निवृत्त अधिकाऱ्यांचा भाजपमध्ये प्रवेश

By टीम थोडक्यात On April 28, 2019 8:59 am

नवी दिल्ली | भारतीय लष्कराच्या 7 निवृत्त अधिकाऱ्यांनी भाजपमध्ये प्रवेश केला आहे. शनिवारी संरक्षणमंत्री निर्मला सीतारमण यांच्या उपस्थितीत त्यांनी भाजप प्रवेश केला.

आम्ही निवृत्त झालेलो असलो तरी अजून थकलेलो नाही. पंतप्रधान नरेंद्र मोदींच्या नेतृत्वाखाली देश सुरक्षित आहे, अशी भावना यावेळी लष्करी अधिकाऱ्यांनी व्यक्त केली.

लष्कराचे माजी उपप्रमुख लेफ्ट. जनरल जेबीएस यादव आणि लेफ्ट. जनरल एस. के. पट्याल यांनी भाजप प्रवेश केला आहे.

जनरल आर. एन. सिंग, लष्करच्या माहिती आणि आयटी सेवेचे माजी महानिदेशक लेफ्ट. जनरल सुनित कुमार, लेफ्ट. जनरल नितिन कोहली, निवृत्त कर्नल आर. के. त्रिपाठी, निवृत्त विंग कमांडर नवनीत मगन यांचाही भाजप प्रवेश झाला आहे.