‘हा’ बडा नेता काँग्रेसच्या वाटेवर; भाजपला मोठा धक्का?

BJP |  भाजपला भंडाऱ्यात मोठा धक्का बसणार आहे. भाजपचा (BJP) बडा नेता विधानसभा निवडणुकीपूर्वी काँग्रेसमध्ये प्रवेश करणार असून विदर्भात काँग्रेसची ताकद वाढणार आहे. भंडारा-गोंदियाचे भाजपचे माजी खासदार शिशुपाल पटले यांचा पक्षप्रवेश मुंबईत होत आहे.

वरिष्ठ नेत्यांकडून झालेले दुर्लक्ष आणि पक्षाकडून सुरू असलेल्या अवहेलनामुळे ते भाजपमधून बाहेर पडलेले आहेत. शिशुपाल पटले यांचा काँग्रेस प्रवेश भाजपसाठी मोठा झटका आहे. शिशुपाल पटले हे भंडारा, गोंदियातील भाजपच्या ताकदवान नेत्यांपैकी एक म्हणून ओळखले जात होते. त्यामुळे शिशुपाल पटले यांचा काँग्रेस पक्षातील नियोजित पक्षप्रवेश भाजपसाठी (BJP) मोठा झटका मानला जात आहे.

विदर्भात भाजपला मोठा धक्का

काही दिवसांपूर्वी शिशुपाल पटले यांनी भाजपच्या सदस्यत्त्वाचा राजीनामा दिला होता. त्यानंतर त्यांनी आपली पुढील राजकीय वाटचाल स्पष्ट केली नव्हती. त्यांनी राजीनामा दिल्यावर भाजप नेत्यांनी त्यांची भेट घेतली. त्यांची समजूत काढण्याचा अयशस्वी प्रयत्न केला. आता शिशूपाल पटले हे काँग्रेसमध्ये प्रवेश करत आहेत

नुकत्याच झालेल्या लोकसभा निवडणुकीत भाजपला विदर्भात मोठा फटका बसला होता. विदर्भात काँग्रेस आणि महाविकास आघाडीने 10 पैकी 7 लोकसभा मतदारसंघात विजय मिळवला होता. आता आगामी विधानसभा निवडणुकीच्या तोंडावर पटले हे काँग्रेसमध्ये जात असून यामुळे काँग्रेसी ताकद वाढणार आहे.

शिशुपाल पटले यांनी भंडारा जिल्हा परिषद अध्यक्षपद भूषवले होते. 2004 मध्ये झालेल्या लोकसभा निवडणुकीत पटलेंनी माजी केंद्रीय मंत्री आणि राष्ट्रवादीचे दिग्गज नेते प्रफुल्ल पटेल यांचा पराभव केला होता.

लोकसभा निवडणुकीतील पराभवानंतर शिशुपाल पाटील यांनी भाजपला घरचा आहेर दिला होता. त्यांनी म्हटलं होतं की, जनसामान्यांच्या प्रश्नांकडे दुर्लक्ष केल्यामुळेच लोकसभा निवडणुकीत भाजपला पराभवाचं तोंड पहावं लागलं.

महत्त्वाच्या बातम्या- 

राज्यात पाऊस कधी सक्रिय होणार? हवामान विभागाने दिली माहिती

मोठी गुड न्यूज! रक्षाबंधनापूर्वीच सोनं झालं स्वस्त; काय आहेत किमती?

आज ‘या’ 5 राशींवर लक्ष्मी प्रसन्न होईल, मोठा धनलाभ होणार

जुन्नरमधील शिवनेरी ट्रेकर्सची कामगिरी; स्वातंत्र्यदिनी ‘कांगयात्से’वर फडकवला तिरंगा

‘मोठ्ठ्या ताई, तुम्ही आता आयुष्यभर…’; चित्रा वाघांनी सुप्रिया सुळेंना झापलं