मन उडु उडु झालं! मराठमोळ्या पद्धतीने पार पडला ह्रता आणि प्रतीकचा लग्न सोहळा, पाहा फोटो

By Bhagyashri Konarde On May 19, 2022 10:03 am

मुंबई | फुलपाखरू मालिकेतून घराघरात पोहोचलेली अभिनेत्री ह्रता दुर्गुळे (Hruta Durgule) व टीव्ही दिग्दर्शक प्रतीक शहाने (Prateek Shah) अखेर काल लग्नगाठ बांधली. कलाविश्वातील आघाडीची अभिनेत्री ह्रता गेल्या काही दिवसांपासून तिच्या खासगी जीवनामुळे चांगलीच चर्चेत आली होती.

ह्रता व प्रतीकने बुधवारी मराठमोळ्या पद्धतीने लग्नगाठ बांधली. या शाही विवाहसोहळ्याचे खास फोटोस अभिनेत्रीने तिच्या इन्स्टाग्रामवरून शेअर केले आहेत. ह्रताने फोटो शेअर करताच चाहत्यांसह अनेक सेलिब्रिटींनीही ह्रता व प्रतीकला भरभरून शुभेच्छा दिल्या आहेत.

ह्रता आणि प्रतीक दोघेही पारंपारिक वेशात एकमेकांना साजेसे दिसत आहेत. ह्रताने तिच्या लग्नात पिवळी व लाल काठांची कांचीपुरम साडी परिधान केली होती तर प्रतीकही ऑफ व्हाईट शेरवानीत शोभून दिसत होता.

दरम्यान, कुटुंबातील सदस्य आणि जवळच्या मित्रपरिवाराच्या उपस्थितीत ह्रता व प्रतीकचा विवाहसोहळा पार पडला. गेल्या वर्षी 24 डिसेंबरला ह्रता व प्रतीकने साखरपुडा केला होता. त्यानंतर गुपचुप लग्न करत ह्रता व प्रतीकने चाहत्यांना सुखद धक्का दिला आहे.

पाहा फोटो-