Ladkibahin Yojana | महाराष्ट्र सरकारनं (Maharashtra Government) 2024-25 चा आर्थिक अर्थसंकल्प सभागृहात सादर करताना राज्यातील महिलांसाठी ‘मुख्यमंत्री माझी लाडकी बहीण योजना 2024’ (Mukhyamantri Mazi Ladki Bahin Yojana 2024) जाहीर केली. त्याद्वारे राज्यातील महिलांना 18 ते 60 वर्ष वयोगटातील सर्व महिलांना दरमाहा आर्थिक मदत जाहीर केली जाणार आहे.

लाडक्या बहिणींचे अर्ज मंजूर करण्यात रायगड आघाडीवर

महाराष्ट्र सरकारच्या वतीनं या योजनेचा फॉर्म भरण्यासाठी 31 जुलैपर्यंतची मुदत दिली होती. राज्यभरातील महिलांची गर्दी पाहता आता सरकारनं लाडकी बहिण योजनेचा अर्ज भरण्यासाठी मुदतवाढ दिली आहे. आता ज्या-ज्या महिलांनी अद्याप या योजनेसाठी अर्ज दाखल केला नाही, त्यांना 31 ऑगस्टपर्यंत या योजनेसाठी अर्ज करता येणार आहे. मुख्यमंत्री माझी लाडकी बहीण योजनेला रायगड जिल्ह्यात चांगला प्रतिसाद मिळत आहे.

रायगड जिल्ह्यात योजनेचा लाभ देण्यासाठी तांत्रिक पडताळणी सुरू करण्यात आली आहे. आज महसूल पंधरवड्याअंतर्गत पहिला दिवस माझी बहीण लाडकी बहीण योजनेसाठी होता. आज अखेरपर्यंत जिल्ह्यात 1 लाख 33 हजार अर्ज मंजूर करण्यात आले आहे.

रायगड जिल्ह्यात या योजनेसाठी आज अखेरपर्यंत 3 लाख 45 हजार 734 पात्र महिलांनी अर्ज केले आहेत. तालुका स्तरावर शिबीरे घेऊन पात्र महिलांचे अर्ज भरून घेण्यात आले आहेत. रायगड जिल्ह्यात या योजनेची प्रभावी अंमलबजावणी सुरु आहे. उद्योग मंत्री तथा पालकमंत्री उदय सामंत आणि महिला व बालविकास मंत्री आदिती तटकरे यांनी वेळोवेळी आढावा घेऊन प्रभावी अंमलबजावणी करण्याचे निर्देश दिले होते.

प्राप्त अर्जाची छाननी करण्यासाठी प्रत्येक तालुक्यात छाननी कक्ष स्थापन केलेला आहे. तिन शिफ्ट मध्ये निर्धारित निकषानुसार अर्ज छाननी, अंतिम करण्याच्या कार्यपध्दतीनुसार काम सुरु आहे. उर्वरीत ऑनलाईन प्राप्त अर्जावर तालुकानिहाय कार्यवाही सुरु आहे. नव्याने प्राप्त होणारे ऑफलाईन अर्ज ऑनलाईन करण्याचं काम गावपातळीवर सुरु असुन पात्र लाभार्थी यांना लाभ मंजूरी करण्याबाबतही कार्यवाही सुरु आहे.

या योजनेद्वारे अर्ज सादर केलेल्या निवडक पात्र महिला अर्जदारांच्या खात्यात पैसे जमा होईपर्यंत या संपूर्ण प्रक्रियेची तांत्रिक पडताळणी करण्यात येत आहे. त्यासाठी प्रायोगिक तत्वावर काही निवडक महिलांच्या बँक खात्यात प्रत्येकी एक रुपया जमा करण्यात येत आहे. ही पडताळणी पूर्ण झाल्यानंतर पुढील प्रक्रिया सुरू करण्यासाठी निश्चितपणे मदत होणार आहे. हा एक तांत्रिक प्रक्रियेचा भाग असून याबद्दल कुठलाही प्रक्रियेचा गैरसमज किंवा कोणत्याही अपप्रचाराला बळी पडू नका असेही मंत्री तटकरे यांनी सांगितले आहे.

महत्त्वाच्या बातम्या- 

अखेर ऐश्वर्या रायने दिली कबूली म्हणाली, “सर्व काही….”

OTT वरील ‘हे’ 3 चित्रपट एकटे पाहण्याचं धाडस करू नका; खूप जास्त..

UPI वापरकर्त्यांसाठी मोठी बातमी, ‘या’ तारखेला सर्व्हिस राहणार बंद

पुणेकरांसाठी अत्यंत महत्त्वाची बातमी!

सावधान! ‘या’ जिल्ह्यांना अतिमुसळधार पावसाचा इशारा; ऑरेंज अलर्ट जारी