Ahmednagar News l विधानसभा निवडणूक जवळ येत आहे तसतसे राजकीय नेत्यांचे क्लेष वाढत चालल्याचं दिसून येत आहे. कारण महायुतीमध्ये भाजप, शिवसेना (शिंदे गट) व राष्ट्रवादी (अजित पवार गट) तर महाविकास आघाडीमध्ये काँग्रेस, राष्ट्रवादी (शरद पवार गट) व शिवसेना (ठाकरे गट) असे मिळून प्रत्येकी तीन पक्ष एकत्र आल्याने येत्या विधानसभा निवडणुकीत युतीमुळे एकाच उमेदवाराला तिकीट मिळणार असल्याने सर्वच राजकीय नेतेमंडळी स्वतःचं तिकीट निश्चित करण्यासाठी ठोस पाऊल उचलत आहेत.
भाजपच्या प्रदेश सरचिटणीसांनी दिला इशारा :
विधानसभा निवडणुकीच्या पार्श्वभूमीवर आता अहमदनगर जिल्ह्यातील पाथर्डी शेवगाव मतदार संघातील भाजपची स्थिती देखील बिकट झाल्याचं चित्र दिसत आहे. कारण आ. मोनिका राजळें यांच्या विरोधात भाजप पक्षामधीलच नेते एकवटल्याच दिसून येत आहे. कारण आता लोकप्रतिनिधींच्या नात्यागोत्याच्या राजकारणामुळे तालुक्यातील कार्यकर्ते देखील प्रचंड प्रमाणात त्रस्त झाले आहेत.
सध्या नात्यागोत्याच्या राजकारणामुळे मतदारसंघ बुडवण्याचे काम सुरू आहे. तसेच लोकप्रतिनिधींनी भाजप कार्यकर्तेऐवजी बगलबच्चांना पोसण्याचे काम सुरू केल्याचे दिसून येत आहे. त्यामुळे लोकप्रतिनिधींच्या विरोधात मतदारसंघातून आवाज उठवला असून आता त्यामध्ये बदल केल्याशिवाय पर्याय नाही असा इशारा भाजपचे प्रदेश सरचिटणीस अरुण मुंडे यांनी दिला आहे.
Ahmednagar News l नेमके काय म्हणाले मुंडे? :
पाथर्डी शेवगाव मतदारसंघातील कार्यकर्त्यांचा मेळावा शेवगाव येथे पार पडला. यावेळी भाजपचे प्रदेश सरचिटणीस अरुण मुंडे यांनी आपल्या भावना स्पष्टपणे बोलून दाखवल्या आहेत. जनतेसाठी भांडणाऱ्या कार्यकर्त्यांना संपवण्याचे उद्योग मतदारसंघातील मोठं मोठे प्रस्थापित नेते करत आहेत. कारण नात्यागोत्याच्या राजकारणामुळेच मतदारसंघ बुडवण्याचे काम सध्या सुरू असून लोकप्रतिनिधींनी भाजप कार्यकर्तेऐवजी बगलबच्चांना पोसण्याचे काम सध्या सुरू असल्याचे त्यांनी बोलून दाखवले आहे.
या सर्व बाबींमुळे लोकप्रतिनिधींच्या विरोधात मतदारसंघातून आवाज उठवला असून आता त्यामध्ये बदल केल्याशिवाय कोणताही पर्याय नाही अशी कार्यकर्त्यांची भावना आहे. तसेच या सर्व गोष्टींची दखल पक्षाला देखील घ्यावी लागणार आहे. तसेच ज्यांची गल्लीत देखील निवडून येण्याची ऐपत नाही अशांना तालुका सांभाळायला दिला आहे. त्यामुळे त्यांना विरोध करणाऱ्या भाजप कार्यकर्त्यांवर खोटे गुन्हे देखील दाखल केले जात आहेत. तसेच असे राजकारण आजपर्यंत कधीही झाले नाही. त्यामुळे तुम्ही परत आमदार होणार नाहीत असे भाजपचे प्रदेश सरचिटणीस अरुण मुंडे म्हटले आहेत.
News Title : Ahmednagar Bjp News
महत्त्वाच्या बातम्या-
मुंबईत स्वस्तात घर खरेदी करण्याची संधी, आजच करा अर्ज
कार वापरणाऱ्यांनो सावधान!; कारचा AC ठरतोय यमराज, दोघांचा मृत्यू
जो पाठीराखा त्याच्यावरच गेम केलास!; डीपी दादाला नॅामिनेट केल्याने अंकितावर भडकली
पोस्ट ऑफिसच्या ‘या’ योजनेत पैसे गुंतवा आणि कोट्यधीश व्हा!
पोकळ नेते उघडे पडतातच!; शिवरायांचा पुतळा कोसळ्याने किरण माने संतापले