अजित पवार लाडक्या बहीण योजनेसंदर्भात लवकरच ‘हा’ मोठा निर्णय घेणार

August 6, 2024

Ladki Bahin Yojna l महाराष्ट्र सरकारने जाहीर केलेली ‘मुख्यमंत्री माझी लाडकी बहीण योजना’ राज्यात चर्चेचा विषय बनली आहे. या योजनेमुळे राजकारणही चांगलेच तापले असून सत्ताधारी आणि विरोधक आमनेसामने आले आहेत. दरम्यान, माझी लाडकी बहीण योजनेबाबत विरोधकांनी सरकारवर केलेल्या हल्ल्यावर उपमुख्यमंत्री अजित पवार यांनी जोरदार पलटवार केला आहे.

अशक्य ते शक्य करणे हीच माझी ओळख – उपमुख्यमंत्री अजित पवार :

उपमुख्यमंत्री अजित पवार यांनी सोशल मीडिया एक्सवर पोस्ट शेअर सांगितले की, ‘मुख्यमंत्री माझी लाडकी बहीण योजना’ टिकवणे शक्य नाही असे विरोधी पक्ष सांगत आहेत, पण अशक्य ते शक्य करणे हीच माझी ओळख आहे. तसेच तोच माझा स्वाभिमान आहे. ‘मुख्यमंत्री माझी लाडकी बहीण योजना’ ही कल्याणकारी योजना विरोधी पक्षाला बंद पाडायची आहे, तसं त्यांनी स्पष्ट देखील केलं आहे.

मात्र ‘मुख्यमंत्री माझी लाडकी बहीण योजना’ ही योजना यशस्वीपणे राबवणं अशक्य आहे असं विरोधकांचं भाकित आहे. परंतु राज्य सरकार येणाऱ्या काळात या योजनेला अधिक बळकटी देणार आहे. तसेच या योजनेची रक्कम वाढवण्यासाठी देखील सर्वोतोपरी प्रयत्न करणार असल्याचं उपमुख्यमंत्री अजित पवारांनी बोलून दाखवलं आहे.

Ladki Bahin Yojna l विरोधकांनी नेमका काय आरोप केला :

प्रत्यक्षात ‘मुख्यमंत्री माझी लाडकी बहीण योजना’ शाश्वत नसल्याचा आरोप विरोधी महाविकास आघाडी करत आहे. विधानसभा निवडणुका डोळ्यासमोर ठेवून याची सुरुवात करण्यात आली आहे. याआधीही उपमुख्यमंत्री अजित पवार यांनी ‘माझी लाडकी बहीण योजना’ योजनेच्या यशस्वीतेसाठी जास्तीत जास्त भगिनींना सहभागी करून घेण्यासाठी सर्वांनी प्रयत्न करावेत, असे आवाहन केले होते.

राज्याच्या 2024-25 च्या अतिरिक्त अर्थसंकल्पात ‘मुख्यमंत्री माझी लाडकी बहीण’ योजना सादर करण्यात आली आहे. वित्त आणि नियोजन यासंदर्भात चर्चा केल्यानंतर व राज्य मंत्रिमंडळाच्या मान्यतेनंतरच मुख्यमंत्री माझी लाडकी बहीण योजना ही योजना राज्याच्या अर्थसंकल्पात जाहीर करण्यात आली असल्याचे अजित पवार यांनी सांगितले आहे.

चालू आर्थिक वर्षात या योजनेसाठी लागणाऱ्या 35 हजार कोटी रुपयांच्या संपूर्ण रकमेची तरतूद यंदाच्या अर्थसंकल्पात करण्यात आल्याचे अजित पवार म्हणाले. त्यामुळे या योजनेसाठी पैसा कुठून येणार? हा प्रश्नच उद्भवत नाही.