“ठाकरे सरकार हे जगातील सर्वात भ्रष्ट सरकार, शरद पवारांच्या…”

By Lakhan Dalve On April 11, 2022 7:54 pm

Photo Credit - Facebook / @fadnavis_amruta & Uddhav Thackeray

मुंबई | महाविकास आघाडी सरकार आणि भाजपमध्ये विविध मुद्द्यांवरून जोरदार वाद चालू आहे. ईडीच्या राज्यातील कारवाईनं वाद आणखीनच वाढला आहे. अशातच आता अमृता फडणवीस यांनी महाविकास आघाडी सरकारवर जोरदार टीका केली आहे.

राज्य सरकार प्रचंड उदासिन आहे, राज्यात चालू असलेला एसटी कामगारांचा संप मिटणं महत्त्वाचं आहे, असं अमृता फडणवीस म्हणाल्या आहेत. महाविकास आघाडी सरकार फक्त राज्यात नाहीतर देशासह जगातील सर्वात भ्रष्ट सरकार आहे, अशी टीका अमृता फडणवीस यांनी केली आहे.

एसटी कर्मचाऱ्यांनी शरद पवार यांच्या घरावर केलेल्या हल्ल्यावर देखील अमृता फडणवीस यांनी प्रतिक्रिया दिली आहे. शरद पवार यांच्या घरावर झालेल्या हल्ल्याचं कोणीही समर्थन करणार नाही, पण हा हल्ला का झाला याचं कारण देखील शोधलं पाहिजे, असंही अमृता फडणवीस म्हणाल्या आहेत.

दरम्यान, अमृता फडणवीस या मुंबईत कलाकारांच्या महारोजगार मेळाव्याला संबोधित करत होत्या. या कार्याक्रमाला अभिनेता शिव ठाकरे आणि अभिनेत्री क्रांती रेडकर देखील उपस्थित होते.

थोडक्यात बातम्या –