बॅालिवूड सिनेसृष्टीला आणखी एक धक्का; ज्येष्ठ अभिनेते राजीव कपूर यांचं दुख:द निधन

मृुंबई | बॅालिवूड अभिनेता, निर्माता आणि दिग्दर्शक राजीव कपूर यांचं हृदयविकाराच्या झटक्यानं निधन झालं आहे. राजीव कपूर हे रणधीर कपूर अणि दिवंगत अभिनेते ऋषी कपूर यांचे छोटे बंधू आहेत.

राजीव कपूर यांनी वयाच्या 58 व्या वर्षी अखेरचा श्वास घेतला. राजीव यांना हृदयविकाराचा झटका आल्यानंतर त्यांना चेंबूरमधील इनलॅक्स या रुग्णालयात दाखल करण्यात आलं होतं.

उपचारापूर्वीच राजीव कपूर यांचा मृत्यु झाला होता. याबाबत नीतू कपूर यांनी सोशल मीडीयावर पोस्ट शेअर केली आहे. राजीव यांच्या निधनानं संपूर्ण कपूर कुटुंबाला अणि बॅालिवूड सिनेसृष्टीला धक्का बसला आहे.

दरम्यान, राजीव कपूर हे त्यांच्या राम तेरी गंगा मैली आणि एक जान एक हम मधील भूमिकांसाठी प्रसिद्ध होते. आसमान, लव्हर बॉय, जबरदस्त, हम तो चले परदेस हे देखील त्यांचे विशेष गाजलेले चित्रपट आहेत. त्यानंतर राजीव कपूर यांनी त्यांचा मोर्चा दिग्दर्शन आणि निर्मितीकडे वळवला. ऋषी कपूर यांची प्रमुख भूमिका असणारा प्रेमग्रंथ हा चित्रपट देखील त्यांनी दिग्दर्शित केला होता.