बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

केंद्राने जाहीर केलेले पॅकेज म्हणजे ‘खोदा पहाड, निकला जुमला’; अशोक चव्हाणांची सडकून टीका

मुंबई | काँग्रेस नेते राहुल गांधी यांनी केंद्र सरकारने जाहीर केलेल्या आर्थिक पॅकेजचा पुनर्विचार करावा, अशी मागणी केल्यानंतर ठाकरे सरकारमधील मंत्री आणि महाराष्ट्राचे माजी मुख्यमंत्री अशोक चव्हाण यांनी देखील केंद्राच्या पॅकेडवर सडकून टीका केली आहे. केंद्राने जाहीर केलेले पॅकेज म्हणजे ‘खोदा पहाड, निकला जुमला’, अशा शब्दात त्यांनी केंद्र सरकारच्या पॅकेजवर टीकास्त्र सोडलं आहे.

सारख्या जागतिक संकटकाळात पालकत्वाची जबाबदारी निभावण्यात केंद्र सरकार साफ अपयशी ठरले असून, त्यांनी जाहीर केलेले पॅकेज म्हणजे ‘खोदा पहाड, निकला जुमला’ ठरले आहे, अशी टीका चव्हाण यांनी केली आहे.

केंद्राने जाहीर केलेल्या पॅकेजमध्ये शेतकरी, शेतमजूर, कामगारांना कोणतेही नवीन थेट भरीव आर्थिक अनुदान मिळाले नाही. मनरेगाच्या सर्व मजुरांच्या खात्यात मदत म्हणून भरीव रक्कम जमा करण्याची आणि कामांचे दिवस वाढवण्याची गरज होती. पण केंद्राला सर्वसामान्यांच्या व्यथा आणि गरजा समजल्याच नाहीत, असं चव्हाण म्हणाले.

कोरोनाविरूद्धची प्रत्यक्ष लढाई राज्ये लढत असल्याने केंद्राने त्यांना परिस्थितीनुरूप भरीव आर्थिक मदत द्यायला हवी होती. पण केवळ वाढीव कर्ज घेण्याची परवानगी देऊन केंद्राने राज्यांना वाऱ्यावर सोडले. राज्यांना त्यांच्या हक्काचा जीएसटी परतावा सुद्धा वेळेवर दिला जात नाही, असंही चव्हाण म्हणाले आहेत.

 

 

ट्रेंडिंग बातम्या-

संजय राऊत यांच्या ‘त्या’ मागणीला आदित्य ठाकरेंचा विरोध; ट्विटरवरुन दिलं उत्तर

महाराष्ट्रात उद्रेक अटळ आहे असं दिसतंय- नितेश राणे

महत्वाच्या बातम्या-

“आम्ही मोदींसारखे ड्रामेबाज नाही, जेव्हा मत हवं असतं तेव्हा ते मजुरांचे पाय धुतात”

उद्धवा अजब तुझे सरकार, गजब तुझा कारभार; सोमय्यांचा पुन्हा राज्य सरकारवर निशाणा

‘मजुरांची हतबलता ड्रामेबाजी वाटते का तुम्हाला?’; सीतारमन यांच्या टीकेला रणदीप सुरजेवालांचं उत्तर

Comments are closed.

This website uses cookies to improve your experience. We'll assume you're ok with this, but you can opt-out if you wish. AcceptRead More