दिल्लीतील उपमुख्यमंत्र्यांच्या घरावर हल्ला; मनीष सिसोदियांनी केला व्हिडीओ शेअर

नवी दिल्ली | राजधानी दिल्लीचे उपमुख्यमंत्री मनीष सिसोदिया यांच्या घरावर काही जणांनी ते घरी नसताना हल्ला केला आहे. त्यासंदर्भातील व्हिडीओ सिसोदिया यांनी त्यांच्या ट्विटर आकाऊंटवरुन पोस्ट केला आहे.

त्या व्हिडीओमध्ये दिसून येतं की, काही अज्ञातांनी मनीष सिसोदिया घरी नसताना त्यांच्या घरात घुसून पत्नी आणि मुलांवर हल्ला करण्याचा प्रयत्न केला आहे. हा हल्ला भाजपच्या कार्यकर्त्यांनीच केला असल्याचा आरोप सिसोदियांनी केला आहे.

तसेच दिल्लीमध्ये भाजपला निवडणूक जिंकता आली नाही म्हणून अशा पद्धतीनं संपवण्याचा प्रयत्न केला जात आहे का असा सवाल देखील सिसोदिया यांनी गृहमंत्री अमित शाह यांना विचारला आहे.

त्यांनी पोस्ट केलेल्या व्हिडीओमुळे सगळीकडे खळबळ उडाली असून भाजपने त्यावर आपली बाजू स्पष्ट करतं सिसोदिया यांनी केलेले सर्व आरोप खोडून काढले आहे. सिसोदिया यांनी शेअर केलेला व्हिडीओ जुना असून हल्ला करणारे भाजपचे कार्यकर्ते नाहीत, असं देखील भाजपचे महामंत्री हर्ष मल्होत्रा यांनी स्पष्ट केलं आहे.

आज बीजेपी के गुंडे मेरी ग़ैरमौजूदगी में मेरे घर के दरवाज़े तोड़कर अंदर घुस गए और मेरे बीवी बच्चों पर हमला करने की कोशिश की. @AmitShah जी आज आप दिल्ली में राजनीति में हार गए तो अब इस तरह से हमें निपटाएँगे? pic.twitter.com/aDwjz6DR3B
— Manish Sisodia (@msisodia) December 10, 2020