शरद पवारांकडून जितेंद्र आव्हाडांची समजूत काढण्याचा प्रयत्न; आव्हाड गृहनिर्माण मंत्रिपद सोडण्यास अनुत्सुक

By Babita.Durande On October 23, 2020 4:08 pm

मुंबई | कृषीमंत्रीपद किंवा गृहनिर्माण मंत्रिपद खडसेंना देणार अशी चर्चा आहे. खडसे यांच्याकडे कृषीमंत्रिपद सोपवलं जाणार, असे यापूर्वी सांगितले जात होते. मात्र, शिवसेना कृषीमंत्रिपद सोडायला तयार नाही, अशी माहिती माहिती आहे.

एकनाथ खडसे यांना जितेंद्र आव्हाडांचं गृहनिर्माण खातं देणार असल्याची चर्चा असताना सध्या शरद पवार आणि जितेंद्र आव्हाड यांच्यात चर्चा सुरू आहे.

जितेंद्र आव्हाड यांची पवारांकडून समजूत काढण्याचा प्रयत्न सुरू असल्याची माहिती आहे. आव्हाडांकडे गृहनिर्माण खातं आहे. ते आपलं खातं देण्यासाठी तयार नसून यासंबंधी चर्चा करण्यासाठी ते शरद पवारांकडे गेल्याचं कळतंय.

दरम्यान, उद्धव ठाकरे यांच्याकडे सर्वाधिकार आहेत. ते जो निर्णय घेतील, जो आदेश देतील त्याचं पालन करणं हे शिवसैनिकाचं काम आहे, असं दादा भूसे म्हणालेत.