बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

“आता मुखपत्रातून नव्या जोमाने पंतप्रधानांचा शेलक्या भाषेत उल्लेख सुरु करा”

मुंबई |  मुख्यमंत्री उद्धव ठाकरे यांच्या आमदारकीचा मार्ग आता मोकळा झाला आहे. केंद्रीय निवडणूक आयोगाने महाराष्ट्रातील 9 विधानपरिषदेच्या जागांसाठी निवडणूक घेण्यास परवानगी दिली आहे. यानंतर भाजपने मुख्यमंत्र्यांचं अभिनंदन केलं आहे. परंतू दुसरीकडे शिवसेना नेते संजय राऊत यांच्यावर मात्र निशाणा साधला आहे.

मुख्यमंत्र्यांच्या आमदारकीचा पेच सुटण्याची चिन्ह आहेत. त्यामुळे त्यांचे मनापासून अभिनंदन. आता मुखपत्रातून नव्या जोमाने माननीय पंतप्रधानांचा शेलक्या आणि अपमानास्पद भाषेत उल्लेख करायला सुरू करा, असा टोमणा भाजप आमदार अतुल भातखळकर यांनी राऊत यांना लगावला आहे.

अनेकदा संजय राऊत अग्रलेखांच्या माध्यमातून भाजपवर आणि पंतप्रधान नरेंद्र मोदींवर टीकेचे बाण सोडत असतात. उद्धव ठाकरे यांच्या आमदारीवरून झालेल्या राजकारणावर देखील संजय राऊत यांनी अग्रलेख लिहित भाजपवर शरसंधान साधलं होतं.

दरम्यान, केंद्रीय निवडणूक आयोगाने महाराष्ट्रातील 9 विधानपरिषदेच्या जागांसाठी निवडणूक घेण्यास परवानगी दिल्यानंतर संजय राऊत यांनी केंद्रिय निवडणूक आयोगाचे आभार मानले आहेत. राज्यावर जे अस्थिरतेचं संकट निर्माण झालं होतं ते आता केंद्रीय निवडणूक आयोगाच्या निर्णयाने संपुष्टात येईल, अशी मला आशा आहे, असं संजय राऊत यांनी ट्विट करत म्हटलं आहे. केंद्र सरकार आणि आणि देशाच्या निवडणूक आयोगाचे मी आभार मानतो, असंही त्यांनी आपल्या ट्विटमध्ये म्हटलं आहे.

 

 

ट्रेंडिंग बातम्या-

“देशाला आलेली ग्लानी शिवरायांचा महाराष्ट्र दूर करेल, कोरोना संकटावर मात करून हिमालयाला दिशा दाखवेल”

पुण्यात नव्याने 86 कोरोनाबाधित रूग्णाची नोंद; बाधितांचा आकडा पोहचला दीड हजारापार!

महत्वाच्या बातम्या-

उद्धव ठाकरे यांच्या आमदारकीचा पेच सुटला; महाराष्ट्र दिनाला महाविकास आघाडीला गोड बातमी!

“राज्याच्या सेवेत आम्ही कधीच कमी पडणार नाही”

Comments are closed.

This website uses cookies to improve your experience. We'll assume you're ok with this, but you can opt-out if you wish. AcceptRead More