अर्थकारण महापालिकेतल्या टक्केवारी इतके सोप्प नाही; शिवसेनेच्या टीकेला भाजप आमदाराकडून प्रत्युत्तर

By टीम थोडक्यात On April 28, 2020 11:39 am

मुंबई | कोरोनाच्या वाढत्या प्रभावामुळे आणखी काही दिवस लॉकडाऊन वाढवण्यात आलं. लॉकडाऊनमुळे सर्व उद्योगधंदे ठप्प पडले आहेत. त्यामुळे देशाला आर्थिक नुकसान होत आहे. यासाठी केंद्र सरकार अनेक उपाययोजना राबवत आहे. केंद्र सरकार राज्याला भरीव मदत करत नाही, असा आरोप आणि केंद्राने राबवलेल्या उपाययोजनांवरून शिवसेनेने केंद्र सरकारवर टीका केली. शिवसेनेने केलेल्या या टीकेला भाजप आमदार अतुल भातखळकर यांनी प्रत्युत्तर दिलं आहे.

मुख्यमंत्री उद्धव ठाकरे यांनी मागे ‘मला अर्थसंकल्पातले काहीही कळत नाही’, अशी जाहीर कबुली दिली असताना मुखपत्रातून मात्र पंतप्रधान नरेंद्र मोदींना अर्थशास्त्राचे बाळकडू पाजण्याचा प्रयत्न करण्यात आलेला आहे. अर्थकारण महापालिकेतल्या टक्केवारी इतके सोपे नसते याची कृपया नोंद घ्यावी, असं अतुल भातखळकर यांनी म्हटलं आहे. यासंदर्भात त्यांनी टविट केलं आहे.

केंद्र सरकारने आता सरकारी कर्मचाऱ्यांचा महागाई भत्ता रोखला आहे. त्याने काय होणार? सरकारने खासदारांचा विकासनिधी दोन वर्षांसाठी थांबवला आहे. खासदारांचे पगार कापले. हे झाले घरगुती, गावठी उपाय, पण कमाईची आणि महसुलाची कोणती नवी साधने सरकार निर्माण करत आहे?, असा सवालही शिवेसेनेने केला आहे.

दरम्यान, भाजपने दिलेल्या या प्रत्युत्तरावर शिवसेना काय भूमिका घेते हे पाहणं महत्वाचं ठरणार आहे.

मुख्यमंत्री @OfficeofUT यांनी ‘मला अर्थसंकल्पातले काहीही कळत नाही’, अशी जाहीर कबुली दिली असताना मुखपत्रातून मात्र पंतप्रधान @narendramodi यांना अर्थशास्त्राचे बाळकडू पाजण्याचा प्रयत्न करण्यात आलेला आहे. अर्थकारण महापालिकेतल्या टक्केवारी इतके सोपे नसते याची कृपया नोंद घ्यावी. pic.twitter.com/jhSsQOaKrZ
— Atul Bhatkhalkar (@BhatkhalkarA) April 28, 2020