Hair Fall | आजच्या काळात केस गळणे (Hair Fall) ही एक सामान्य समस्या बनली आहे. महिलांप्रमाणेच तरुण पिढी देखील केस गळतीच्या समस्येने त्रस्त आहे. तुम्हीही जर या समस्येचा सामना करत असाल, तर हे आयुर्वेदिक उपाय (Ayurvedic Remedies) करून तुम्हाला काही दिवसातच फरक जाणवेल. फक्त हे उपाय नियमितपणे करणे आवश्यक आहे.

आयुर्वेदचार्य डॉक्टर नंद कुमार मंडल (Dr. Nand Kumar Mandal) यांच्या मते, केस गळणे ही आजकाल सामान्य बाब झाली आहे. महिला असो वा पुरुष, लहान मुले असो वा प्रौढ, सर्वांनाच केस गळतीचा त्रास होत आहे. पण काही घरगुती उपाय आणि आहारात बदल करून केस गळणे थांबवता येऊ शकते.

केस गळतीची कारणे आणि त्यावर उपाय

डॉ. मंडल यांच्या मते, केस गळण्याचे मुख्य कारण म्हणजे तणाव (Stress). आजच्या धावपळीच्या जीवनात लोक जास्त ताण घेतात, त्याचा परिणाम केसांवर होतो आणि केस गळायला लागतात. दुसरे कारण म्हणजे चुकीच्या खाण्याच्या सवयींमुळे होणारी बद्धकोष्ठता (Constipation). यामुळे देखील केस गळतात. तिसरे आणि सर्वात महत्त्वाचे कारण म्हणजे व्हिटॅमिनची कमतरता (Vitamin Deficiency). व्हिटॅमिन B12 सह व्हिटॅमिन A, B, C, D आणि K च्या कमतरतेमुळे केस गळतात. तसेच, जेव्हा रोगप्रतिकारशक्ती (Immunity) कमकुवत असते, तेव्हा केसांचे स्टेम सेल (Stem Cells) देखील कमकुवत होतात आणि केस गळायला लागतात. पण आयुर्वेदात (Ayurveda) सांगितलेले काही उपाय केस गळणे थांबवण्यासाठी आणि केस दाट, लांब आणि काळे करण्यासाठी खूप फायदेशीर आहेत. (Hair Fall)

डॉ. मंडल यांनी सांगितल्याप्रमाणे, यासाठी सर्वात आधी आवळा (Amla), रीठा (Reetha) आणि शिकेकाई (Shikakai) रात्री पाण्यात भिजवून ठेवा आणि सकाळी त्याच पाण्याने नियमितपणे केस धुवा. दुसरा उपाय म्हणजे भृंगराज (Bhringraj) किंवा माक्याचा रस केसांना लावा. यामुळे केस गळणे थांबेल. भृंगराज तेल (Bhringraj Oil) बाजारात सहज मिळते, त्याचाही वापर करू शकता. यासोबतच कोरफड (Aloe Vera) आणि गुळवेल (Giloy) यांचा वापर देखील केस धुण्यासाठी करू शकता.

आहार आणि जीवनशैलीत बदल आवश्यक

डॉ. मंडल यांच्या मते, हे उपाय करण्यासोबतच आपल्या खाण्याच्या सवयी आणि जीवनशैलीत (Lifestyle) बदल करणे अत्यंत गरजेचे आहे. बाजारातील अन्नपदार्थ खाण्याऐवजी घरचे जेवण खावे. केसांना नियमितपणे शुद्ध मोहरीचे तेल (Mustard Oil) लावावे.

जर तुम्ही हे उपाय करून पाहिले, तर नक्कीच केस गळणे थांबेल आणि केस दाट, काळे आणि लांब होतील. तुम्हाला 45 दिवसातच याचा परिणाम दिसून येईल. (Hair Fall)

Title : Ayurvedic Remedies For Hair Fall Amla Reetha Shikakai Bhringraj Home Remedies