#EidAlAdha | ईदचा उत्साह; देशभरात नमाज अदा

By Babita.Durande On August 12, 2019 10:07 am

नवी दिल्ली | बकरी ईदच्या निमित्ताने सोमवारी सर्वत्र उत्साह पहायला मिळत आहे. देशातील विविध ठिकाणी मुस्लिम धर्मियांनी मशिदीत नमाज अदा केली आहे. दिल्ली आणि मुंबईशिवाय देशातील इतर भागांमध्येही नमाज अदा करण्यात आली आहे.

एकिकडे देशात बकरी ईदच्या निमित्ताने नमाज अदा केली जात असताना दूसरीकडे अनेकांच्या नजरा जम्मू-काश्मीरमधील एकंदरीत परिस्थितीवर लागल्या आहेत.

कलम 370 रद्द केल्यानंतर काश्मीर खोऱ्यातील सध्याचं वातावरण शांततेचं आहे. ईदच्या निमित्ताने जम्मू काश्मीरमध्ये लागू असलेले अनेक निर्बंध आणि कलम हटवण्यात आल्याची माहिती आहे.

दरम्यान, सर्वसामान्य नागरिकांना दैनंदिन जीवनातील वस्तू आणि सामानाच्या खरेदीसाठी दुकानं आणि एटीएम सुविधाही सुरू करण्यात आल्याचं कळतंय.

Aligarh: Security personnel deployed, drones being used for security surveillance at Shah Jamal Eidgah, where people have gathered to offer namaz on #EidAlAdha . pic.twitter.com/hxytp4c63f

— ANI UP (@ANINewsUP) August 12, 2019