बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

“योगीजी, कामगार-मजूरांना ‘आई’ सांभाळत नाही म्हणून ‘मावशी’कडे येतात”

मुंबई | उत्तर प्रदेशातले सत्ताधारी रोजगार निर्माण करू शकले नाहीत म्हणून तिथले लोक महाराष्ट्रात येतात. आई सांभाळत नाही म्हणून मावशीकडे येतात. दोन महिने त्यांच्याकडे काम, पैसा नसताना मावशीने त्यांना व्यवस्थित सांभाळले. हे उत्तर प्रदेशचे मुख्यमंत्री योगी आदित्यनाथ यांनी समजून घ्यावे, अशा शब्दात महसूलमंत्री बाळासाहेब थोरात यांनी उ. प्रदेशचे मुख्यमंंत्री योगी आदित्यनाथ यांना चोख प्रत्युत्तर दिलं आहे.

योगी आदित्यनाथ यांनी मजुरांच्या प्रश्नावरून मुख्यमंत्री उद्धव ठाकरे तसंच शिवसेनेच्या नेतृत्वाखाली असलेल्या महाविकास आघाडी सरकारवर गंभीर आरोप केला. लॉकडाऊनच्या काळात महाराष्ट्रात मजुरांशी विश्वासघात करण्यात आला आहे. मजुरांना वाऱ्यावर सोडून देत त्यांना स्वगृही जाण्यास भाग पाडण्यात आलं आहे, अशा शब्दात आदित्यनाथ यांनी ठाकरे सरकारवर निशाणा साधला होता. त्यांच्या याच टीकेला थोरात यांनी प्रत्युत्तर दिलं आहे.

लॉकडाऊनमध्ये 2 महिने महाराष्ट्र शासनाने लाखो स्थलांतरित मजूरांना कुटुंबातील व्यक्तीप्रमाणे सांभाळले. त्यांनी घरी जायची इच्छा व्यक्त केल्याने मोफत प्रवासाची व्यवस्था केली. उत्तर प्रदेशात पोहोचल्यावर त्यांचे जे हाल होत आहे त्याकडे योगी आदित्यनाथ यांनी लक्ष द्यावे, असा सल्ला थोरातांनी योगींना दिला आहे.

दुसरीकडे राज्याबाहेर काम करणाऱ्या मजुरांच्या सामाजिक सुरक्षेसाठी उत्तर प्रदेश सरकार कठोर नियम असलेलं धोरण करण्याच्या तयारीत आहे. त्यानुसार यापुढे दुसऱ्या राज्यांना उत्तर प्रदेशमधील व्यक्तींना कामावर ठेवायचे असेल तर त्यासाठी उत्तर प्रदेश सरकारची परवानगी घ्यावी लागेल, असं मुख्यमंत्री योगी आदित्यनाथ यांनी सांगितलं आहे. हिंदुस्थान टाईम्सने हे वृत्त दिलं आहे.

ट्रेंडिंग बातम्या-

पुणेकरांनो सावधान… पुण्यात आज सापडले कोरोनाचे सर्वाधिक रुग्ण!

राज्यात आज कोरोनाचे किती रुग्ण वाढले?; पाहा तुमच्या भागात किती?

महत्वाच्या बातम्या-

‘कठोर निर्णय, धडक अंमलबजावणी’, नागपुरात कोरोना नियंत्रणाचा तुकाराम मुंढे पॅटर्न!

प्रत्येक गरीबाच्या खात्यावर दरमहा हजार रुपये जमा करा!

“विद्यार्थ्यांना केंद्रबिंदू मानून त्यांचे शैक्षणिक नुकसान होणार नाही असाच निर्णय घेतला जाईल”

Comments are closed.

This website uses cookies to improve your experience. We'll assume you're ok with this, but you can opt-out if you wish. AcceptRead More