“मोदी सरकारच्या हटवादीपणामुळे जगात भारताची नाचक्की होतीये”

By Babita.Durande On February 5, 2021 5:45 pm

मुंबई | संयुक्त किसान मोर्चाने 6 फेब्रुवारीला देशभर तीन तासांच्या चक्काजाम आंदोलनाची हाक दिली आहे. काँग्रेस पक्षाचा या ‘चक्का जाम’ला पाठिंबा आहे, अशी माहिती महसूलमंत्री बाळासाहेब थोरात यांनी दिली आहे.

शेतकरी आंदोलनाला जगभरातून पाठिंबा वाढत असून मोदी सरकारच्या हटवादीपणामुळे भारताची जगभर नाचक्की होत आहे, असंही बाळासाहेब थोरात म्हणाले.

कृषी कायदे मंजूर करवून घेताना संसदेत चर्चा केली नाही. विरोध तीव्र होत असताना आता मात्र मोदी सरकार शेतकऱ्यांशी चर्चा करत असल्याचं केवळ नाटक करत आहे, अशी टीका बाळासाहेब थोरात यांनी केली आहे.

देशाचा अन्नदाता आपल्या न्याय हक्कासाठी रस्त्यावर उतरला आहे. पण केंद्रातील भाजपचे हुकूमशाही सरकार त्यांच्या मागणीकडे दुर्लक्ष करत असल्याचं थोरात म्हणालेत.

थोडक्यात बातम्या-