एफडीसाठी चांगली संधी! सर्व बँका देतायेत भरघोस व्याज; जाणून घ्या किती?

August 16, 2024

FD Schemes l अलीकडेच अर्थमंत्री निर्मला सीतारामन यांनी रिझर्व्ह बँकेच्या अधिकाऱ्यांसोबत झालेल्या बैठकीत बँकांच्या घटत्या ठेवींबद्दल चिंता व्यक्त केली होती. त्यामुळे अर्थमंत्र्यांनी बँकांना ठेवी वाढवण्यासाठी आकर्षक योजना आणण्यास सांगितले होते. अशातच ज्यांना गरज आहे त्यांनीच कर्ज द्यावे अशी भूमिका सरकारने घेतली होती. सरकारच्या या भूमिकेनंतर सर्व बँका गांभीर्याने ठेवी वाढविण्याच्या कामात व्यस्त आहेत. मात्र आगामी काळात केवळ कर्जेच महाग होणार नाहीत, तर एकामागून एक मुदत ठेवी सुरू करण्याबरोबरच ठेवींवर आकर्षक व्याज देण्याचीही घोषणा होण्याची शक्यता आहे.

आरबीआयने जाहीर केली आकडेवारी :

आरबीआयच्या आकडेवारीनुसार, बँकिंग प्रणालीमध्ये कर्ज वाढीचा दर केवळ 13.7 टक्के आहे आणि ठेवींचा वाढीचा दर वार्षिक केवळ 10.6 टक्के आहे. याबाबत यापूर्वीही अनेकदा चिंता व्यक्त करण्यात आली होती. अलीकडे RBL बँक, बँक ऑफ महाराष्ट्र, फेडरल बँक यासह अनेक लहान बँकांनी विशेष एफडी योजना सुरू केल्या आहेत.

बँक ऑफ महाराष्ट्रने सोशल मीडिया प्लॅटफॉर्मवर जाहीर केले आहे की, 777 दिवसांच्या ठेवींवर 7.25 टक्के व्याज देणार आहेत. याशिवाय बंधन बँकेने 21 महिन्यांच्या कालावधीसाठी विशेष एफडी योजनेवर 8 टक्के व्याज देण्याची घोषणा केली आहे. याआधी एचडीएफसी बँक, स्टेट बँक ऑफ इंडिया आणि बँक ऑफ बडोदासह मोठ्या बँकांनीही विशेष एफडी योजना सुरू केल्या आहेत.

FD Schemes l आरबीएल बँकेने विजय ठेव योजना केली सुरू :

फेडरल बँकेने 400 दिवसांच्या कालावधीसाठी 7.35 टक्के, 777 दिवसांच्या कालावधीसाठी 7.40 टक्के आणि 50 महिन्यांची विशेष योजना सुरू केली आहे. या सर्व योजनांमध्ये ज्येष्ठ नागरिकांना 0.50 टक्के अतिरिक्त व्याज मिळेल. दरम्यान, 400 दिवसांसाठी 1 कोटी रुपयांपेक्षा जास्त ठेवींवर 7.50 टक्के व्याज दिले जात आहे.

याशिवाय 777 दिवस आणि 50 महिन्यांच्या कालावधीसाठी 7.55 टक्के व्याज दिले जाणार आहे. अशातच आरबीएल बँकेने विजय ठेव योजना सुरू केली आहे. यामध्ये 500 दिवसांच्या कालावधीसाठी 8.10 टक्के तर ज्येष्ठ नागरिकांना 8.60 टक्के व्याज मिळणार आहे.