निकालाआधीच भावी खासदारांची बॅनरबाजी!; चौकाचौकात लागले बॅनर

By टीम थोडक्यात On May 23, 2019 7:45 am

पुणे | 23 तारखेला लोकसभा निवडणुकांचे निकाल लागणार आहेत. मात्र काही उत्सुक कार्यकर्त्यांनी एक दिवस आधीच आपल्या भावी खासदारांचे बॅनर चौकाचौकात लावून ते खासदार झाले असल्याचं गृहीत धरलं आहे.

पुणे लोकसभा मतदारसंघाचे भाजपचे उमेदवार गिरीश बापट यांचे बॅनर निकालाच्या एक दिवस आधीच चौकात लावण्यात आले आहेत. खासदार झाल्याबद्दल कार्यकर्त्यांनी त्यांच अभिनंदनही केलं आहे.

शिरुर लोकसभा मतदारसंघाचे राष्ट्रवादीचे उमेदवार अमोल कोल्हे यांचीही खासदार म्हणून फ्लेक्सबाजी करण्यात आली आहे. भिवंडीतील उमेदवारांसाठीही अशीच बॅनरबाजी करण्यात आली आहे.

दरम्यान, खरे निकाल हाती आल्यानंतर कार्यकर्त्यांचे भावी खासदार पडले नाहीत म्हणजे मिळवलं.

महत्वाच्या बातम्या