मोठी बातमी! आधी सरपंच आता आणखी एक संशयास्पद मृत्यू, बीडमध्ये खळबळ

January 17, 2025

Beed News | दोन कोटी रुपयांच्या खंडणी प्रकरणामुळे (Extortion Case) चर्चेत आलेल्या केज (Kej) तालुक्यातील मस्साजोग (Massajog) येथील आवादा कंपनीच्या (Awada Company) एका कामगाराचा (Worker) संशयास्पद मृत्यू (Suspicious Death) झाला आहे. वाल्मिक कराड (Valmik Karad) आणि सुदर्शन घुले (Sudarshan Ghule) यांच्यासह त्यांच्या साथीदारांची खंडणी प्रकरणात चौकशी सुरू असतानाच ही घटना घडल्याने उलटसुलट चर्चा सुरू झाल्या आहेत. (Beed News)

आवादा प्रकल्प आणि खंडणी प्रकरण

गेल्या महिन्याभरापासून आवादा प्रकल्प (Awada Project) खंडणी आणि देशमुख खून प्रकरणामुळे (Murder Case) राज्याच्या केंद्रस्थानी आहे. वाल्मिक कराड आणि त्याच्या टोळीने (Gang) राजकारण्यांच्या (Politicians) वरदहस्ताने खंडणी, हप्तावसुली, वाळू उपसा (Sand Smuggling) असे अनेक गैरप्रकार करून परिसरात धुमाकूळ घातला होता. नवीन प्रकल्पांकडून खंडणी घेतल्याशिवाय त्यांना काम सुरू करण्याची परवानगी दिली जात नव्हती. असाच प्रकार आवादा कंपनीसोबत दोन कोटी रुपयांच्या खंडणीसाठी घडला होता. आता याच कंपनीच्या प्रकल्पातील एका कामगाराचा संशयास्पद मृत्यू झाल्याने अनेक प्रश्न उपस्थित होत आहेत.

मयत कामगाराची ओळख पटली

मयत कामगाराचे नाव रचपाल हमीद मसीह (Rachpal Hameed Masih) असून तो पंजाबमधील (Punjab) गुरुदासपूर (Gurdaspur) येथील रहिवासी आहे. तो आवादा कंपनीच्या मस्साजोग प्रकल्पात मजूर म्हणून काम करत होता. गेल्या अनेक महिन्यांपासून तो ‘प्रीमियर हेवी लिफ्ट’ (Premier Heavy Lift) नावाच्या कंत्राटदाराकडे (Contractor) कामाला होता. केज-अंबाजोगाई रोडवरील (Kej-Ambajogai Road) एका बारसमोर त्याचा मृतदेह रस्त्यावर पडलेला आढळून आला. पोलिसांनी त्याचा चेहरा आणि खिशातील ओळखपत्रावरून (Identity Card) अधिक चौकशी केली असता तो आवादा कंपनीत काम करत असल्याची माहिती मिळाली. (Beed News)

शवविच्छेदन अहवालाकडे लक्ष

रचपालचा मृत्यू कसा झाला, याचे कारण अद्याप अस्पष्ट आहे. केज पोलिसांनी (Kej Police) त्याचा मृतदेह शवविच्छेदनसाठी (Postmortem) पाठवला आहे. शवविच्छेदन अहवालातून त्याच्या मृत्यूचे नेमके कारण समोर येईल. या अहवालानंतर पोलीस तपासाला (Police Investigation) अधिक गती मिळेल, असे सांगण्यात येत आहे. (Beed News)