Beed Viral Audio Clips l लोकसभा निवडणुकीत बीड जिल्हा केंद्रस्थानी राहिला आहे. कारण बीड जिल्ह्यात भाजप उमेदवार पंकजा मुंडे यांचा महाविकास आघाडीचे उमेदवार बजरंग सोनवणे यांनी दारुण पराभव केला आहे. मात्र या निवडणुकीनंतर बीड लोकसभा निवडणुकीतील उमेदवार बजरंग सोनवणे यांना आपण कशाप्रकारे मदत केली असा संवाद असलेली ऑडिओ क्लिप काल बीड जिल्हा बरोबर व्हायरल झाली आहे.

ऑडिओ क्लीपमुळे बीडमध्ये खळबळ :

या प्रकारानंतर धनंजय मुंडे यांचे समर्थक वाल्मीक कराड यांनी परळी पोलीस स्टेशनमध्ये तक्रार देखील दिली आहे. अशातच आता बीड जिल्हा शिवसेना प्रमुख कुंडलिक खांडे यांच्यावर परळीत गुन्हा दाखल झाला आहे. यासंदर्भात अधिक माहिती अशी की, बीडचे शिवसेना शिंदे गटाचे जिल्हाप्रमुख कुंडलिक खांडे आणि राष्ट्रवादीच्या शरदचंद्र पवार पक्षाचे शिवराज बांगर यांची कथित ऑडिओ क्लिप व्हायरल होत आहे. बीड कथित ऑडिओ क्लिप प्रकरणी शिवसेना बीड जिल्हा प्रमुख कुंडलिक खांडे यांच्यावर पोलीस स्टेशनमध्ये गुन्हा दाखल करण्यात आला आहे.

यासंदर्भात धनंजय मुंडे यांचे सहकारी वाल्मीक कराड यांनी पोलिसांत तक्रार देखील दाखल केली आहे. कुंडलिक खांडे यांच्यावर कथित क्लिप ऑडिओ प्रकरणी परळी पोलीस स्टेशनमध्ये गुन्हा दाखल करण्यात आला आहे. मात्र या दरम्यान शिवसेना बीड जिल्हा प्रमुख खांडे यांची ऑडिओ क्लिप व्हायरल झाल्यानंतर पंकजा मुंडे समर्थक आक्रमक झाले आहेत. यानंतर कुंडलिक खांडे यांच्या ऑफिसची तोडफोडही करण्यात आली होती. बीड शहरातील जालना रोडवरील खांडेंच्या ऑफिसवर हल्ला देखील करण्यात आला होता.

Beed Viral Audio Clips l काय आहे व्हायरल ऑडिओ क्लिपमध्ये? :

कुंडलिक खांडे यांच्यासोबत एका राष्ट्रवादी काँग्रेसच्या कार्यकर्त्याची राजकारणावर चर्चा चालू असताना निवडणुकीपूर्वीच बजरंग सोनवणे यांना त्यांनी कशी मदत करायची हे सांगतानाची ऑडिओ क्लिप तुफान व्हायरल झाली आहे. या ऑडिओतून दोघांमधील संवाद देखील स्पष्टपणे ऐकायला मिळत आहे. याशिवाय दुसरी ऑडिओ क्लिप ही मतमोजणीनंतरची आहे. यामध्ये म्हाळस जवळा या कुंडलिक खांडेंच्या मूळ गावातून पंकजा मुंडेंना मुद्दामून लीड दिली आहे.

कारण, ओबीसी मताचा आपल्याला जास्त फायदा होऊ शकतो हे सांगत असताना बीड विधानसभा मतदारसंघातील सगळ्या बुथवर कशाप्रकारे बजरंग सोनवणे यांच्यासाठी त्यांनी फिल्डिंग लावल्याचं ते त्यामध्ये सांगत आहेत. तसेच धनंजय मुंडे आणि त्यांचे सहकारी वाल्मिक कराड त्यांच्याबाबतीत बोलत त्यांच्या गाडीवर दगडफेक करण्यात आल्याचं देखील ते बोलत आहेत.