Bhavana Gawli | विधान परिषद निवडणुकीमध्ये (Vidhan Parishad Election) जिंकून आलेल्या 11 विधानपरिषद सदस्यांचा आज शपथविधी पार पडला. विधान परिषदेच्या उपसभापती नीलम गोऱ्हे यांनी 11 विधानपरिषद सदस्यांना आज शपथ (Legislative Council MLAs swearing ceremony) दिली आहे. विधान भवन येथे विधिमंडळाच्या मध्यवर्ती सभागृहात शपथ ग्रहण सोहळा पार पडला.

भावना गवळी (Bhavana Gawli) यांनी शपथ घेतल्यानंतर ‘जय महाराष्ट्र, जय एकनाथ’ अशी घोषणा दिली. त्यांच्या या घोषणेनंतर अनेकांच्या भुवया उंचावल्या होत्या.

शपथविधीवेळी भावना गवळी यांची घोषणा

शिवसेना शिंदे गटाच्या पाच वेळा खासदार राहिलेल्या भावना गवळी (Bhavana Gawli) यावेळीही यवतमाळ वाशिम लोकसभा मतदारसंघातून इच्छुक उमेदवार होत्या. शिवसेना फुटल्यानंतर त्यांनी एकनाथ शिंदे यांची साथ दिली. त्यामुळे यावेळी त्यांनाच तिकीट मिळणार अशी चर्चा असताना भाजपने मात्र त्यांच्या नावाला विरोध केला. त्यामुळे त्याचं तिकीट कापण्यात आलं आणि ते हेमंत पाटलांच्या पत्नी राजश्री पाटील यांना देण्यात आलं.

एकनाथ शिंदेंनी भावना गवळींना विधानपरिषदेत संधी दिली आणि त्या आमदार म्हणून निवडून आल्या आहेत. त्यामुळे शपथविधी पार पडला यावेळी त्यांनी संधी देणाऱ्या पक्ष प्रमुखांचं देखील नाव घेतलं.

Bhavana Gawli | भावना गवळींचं लोकसभेत तिकीट कापलं

नाथांचे नाथ म्हणून आपण स्मरण करतोच. त्यांचे आशीर्वाद आहेत म्हणूनच मी आज सभागृहात पोहोचली आहे. अनेक समाजकार्य, राजकारण केल्यानंतर मी सभागृहात पुन्हा एकदा परतली आहे. दिल्लीतून मुंबईत येण्याची संधी प्रथमच मिळत आहे, असं भावना गवळी यांनी सांगितलं.

शिवसेना ठाकरे गटाचे नवे आमदार मिलिंद नार्वेकर यांनी शपथ घेत असताना बाळासाहेबांना नमन करून आपल्या शपथविधीला सुरूवात केली आहे. तर आपल्या शपथविधीच्या शेवटी त्यांनी उध्दव ठाकरे आणि त्यांच्या परिवाराचे देखील आभार मानले आहेत.

महत्त्वाच्या बातम्या- 

Manu Bhaker ची ऐतिहासिक कामगिरी; कांस्य पदकावर कोरलं नाव

यशश्री शिंदेच्या हत्येच्या निषेधार्थ लाँग मार्च, उरणमध्ये संतापाची लाट

हवामान खात्याचा मोठा इशारा, पुढचे 4 दिवस महत्त्वाचे

नवऱ्यानेच दिली बायकोची सुपारी; कारण ठरले मित्र, 3 वर्षांनंतर झाला खुलासा

“नासक्या आंब्याला खड्यासारखा बाजूला करणार”; शरद पवारांचा इशारा