कर्नाटकमधील मंत्र्याच्या SEX CD प्रकरणात आला हा मोठा ट्विस्ट!

By टीम थोडक्यात On March 8, 2021 9:37 am

बंगळुरू | काही दिवसांपूर्वी कर्नाटकमधील जलसंपदा मंत्री रमेश जारकीहोळी यांची एक आक्षेपार्ह व्हिडिओ क्लिप समोर आली होती. यानंतर मोठी खळबळ उडाली. याप्रकरणावरून विरोधकांकडून होत असलेल्या टीकेनंतर जारकीहोळी यांनी राजीनामा दिला होता.

बदनामीसाठी राजकीय षडयंत्र रचण्यात आल्याचा दावा जारकीहोळींनी सुरुवातीला केला होता. अखेर जारकीहोळींना राजीनामा द्यावा लागला. मात्र आता या प्रकरणाला वेगळं वळण लागलं आहे. ज्या सामाजिक कार्यकर्त्याच्या तक्रारीमुळे भाजपचे आमदार रमेश जारकीहोळी यांना राजीनामा द्यावा लागला, त्याच कार्यकर्त्याने आपली तक्रार मागे घेणार असल्याचं म्हटलं आहे.

जनता दल सेक्युलरचे नेते एच डी कुमार स्वामी यांनी या प्रकरणाचा सौदा पाच करोड रुपयांत केला असल्याचा आरोप केला आहे. या आरोपामुळे आपण दुखावलो आहे, त्यामुळे संबंधित तक्रार मागे घेत असल्याचं स्पष्टीकरण दिनेश कल्लाहल्ली यांनी दिलं आहे.

दरम्यान, राज्यात खूप मोठं षडयंत्र रचण्यात आलं आहे. सध्या देशात पाच राज्यातील विधानसभा निवडणूका तोंडावर येऊन ठेपल्या आहेत. अशात चार तपास यंत्रणा रमेश जारकीहोळी यांची ‘बदनामी’ करण्यात व्यस्त आहेत. अशा प्रकारच्या षडयंत्रातून निवडणुकांपूर्वी भाजपवर चिखलफेक केली जात आहे. या प्रकरणाची सीबीआय चौकशी व्हावी, अशी मागणीही बालचंद्र जारकीहोळी यांनी केली आहे, असा आरोप जारकीहोळी यांच्या भावाने केला आहे.