गर्भनिरोधक गोळ्या खात असाल तर काळजी घ्या; संशोधनातून धक्कादायक बातमी समोर

February 15, 2025

Birth Control Pills May Increase Heart Attack Risk

Birth Control Pills | आजकाल अनेक महिला गर्भनिरोधक गोळ्या (Birth Control Pills) नियमित घेतात, मात्र त्याचे आरोग्यावर होणारे संभाव्य दुष्परिणाम अनेकांना माहिती नसतात. जगभरात २५ कोटींहून अधिक महिला या गोळ्यांचा वापर करतात. गर्भधारणा टाळण्यासाठी या गोळ्या प्रभावी मानल्या जात असल्या तरी, नवीन संशोधनातून त्यांचा हृदयविकार आणि स्ट्रोकचा धोका वाढवण्याशी संबंध असल्याचे स्पष्ट झाले आहे.

डेन्मार्कच्या संशोधनातील गंभीर निष्कर्ष

डेन्मार्क (Denmark) येथील एका संशोधनात हार्मोनल गर्भनिरोधक, विशेषतः एस्ट्रोजेनयुक्त (Estrogen-Based) कॉम्बिनेशन गोळ्या, योनिमार्गातील रिंग (Vaginal Ring) आणि त्वचेवरील पॅच (Skin Patch) यांचा अभ्यास करण्यात आला. संशोधनाच्या निष्कर्षानुसार, या गोळ्यांच्या नियमित सेवनामुळे महिलांमध्ये हृदयविकाराचा झटका (Heart Attack) आणि स्ट्रोक (Stroke) होण्याचा धोका वाढतो.

बीएमजे (BMJ) जर्नलमध्ये प्रकाशित या संशोधनात डॉक्टरांनी प्रिस्क्रिप्शन रेकॉर्ड (Prescription Records) आणि विविध उत्पादनांच्या दुष्परिणामांचा अभ्यास करून हा निष्कर्ष काढला आहे.

हार्मोनल गर्भनिरोधक आणि इस्केमिक हृदयरोगाचा धोका

तज्ज्ञांच्या मते, इस्केमिक हृदयरोग (Ischemic Heart Disease) ही एक गंभीर स्थिती आहे, जिथे हृदयाला रक्तपुरवठा करणाऱ्या कोरोनरी धमनी (Coronary Arteries) आकुंचन पावतात, ज्यामुळे हृदय कमजोर होते आणि हृदयविकाराचा झटका येण्याची शक्यता वाढते.

हा विकार कार्डियक इस्केमिया (Cardiac Ischemia) किंवा इस्केमिक कार्डियोमायोपॅथी (Ischemic Cardiomyopathy) म्हणूनही ओळखला जातो. गर्भनिरोधक गोळ्यांमधील काही घटक रक्तवाहिन्यांमध्ये गुठळ्या निर्माण करू शकतात, ज्यामुळे रक्तप्रवाह कमी होतो आणि हृदयविकाराचा धोका निर्माण होतो.

हार्मोनल गर्भनिरोधक कसे कार्य करतात?

हार्मोनल गर्भनिरोधक गोळ्या शरीरातील प्रोजेस्टेरॉन (Progesterone) आणि एस्ट्रोजेन (Estrogen) हार्मोन्सचे संतुलन बदलतात, ज्यामुळे –

अंडाशयातून अंडपेशी बाहेर पडण्यास प्रतिबंध केला जातो
गर्भाशयाच्या ग्रीवेला (Cervix) नुकसान पोहोचते
गर्भाशयाच्या अस्तराला पातळ केले जाते, ज्यामुळे गर्भधारणेची शक्यता कमी होते
यामुळे काही महिलांना गर्भधारणा होण्यास अडचण निर्माण होते. त्यामुळे या गोळ्यांचा वापर डॉक्टरांच्या सल्ल्यानुसार आणि योग्य मार्गदर्शनाखालीच करावा, असे संशोधकांनी सांगितले आहे.