आपल्या देशात 33 कोटी देव राहतात त्यामुळे कोरोनाचा परिणाम होणार नाही; भाजप नेत्याचं वक्तव्य

By टीम थोडक्यात On March 14, 2020 2:40 pm

इंदोर| सध्या देशभरात कोरोना विषाणूने हैदोस माजवला आहे. जागतिक आरोग्य संस्थेनं कोरोनाला जागतिक महाबिमारी ठरवलेलं असतानाच भाजपचे राष्ट्रीय महासचिव कैलास विजयवर्गीय यांनी वादग्रस्त विधान केलं आहे.

आपल्या देशात 33 कोटी देव वास्तव्यास आहेत आणि त्यामुळं या रोगाचा काहीही परिणाम देशवासींयांवर होणार नाही असं विधान भाजपचे राष्ट्रीय महासचिव कैलास विजवर्गीय यानी केलं आहे, या विधानामुळं सोशल मीडियावर ते चांगलेच ट्रोल होताना पहायला मिळत आहेत.

बजरबट्टू संमेलनात हनुमानाची वेशभूषा करणारे माजी आमदार जीतू जिराती यांच्याकडे पाहत ते म्हणाले, ‘बजरबट्टू संमेलनामध्ये जिराती यांना कोरोना हनुमान नाव देण्यात आले आहे, ज्यांच्या आशीर्वादाने कोणालाही संसर्ग होणार नाही’

सध्या देशभरात कोरोनाची लागण झालेल्या रुग्णांची संख्या 80 पेक्षा जास्त आहे. तर महाराष्ट्रात कोरोनाग्रस्तांची संख्या आता 19 वर पोहोचली आहे.

ट्रेंडिंग बातम्या-