बॉबी देओलच्या संपत्तीचा आकडा समोर; चित्रपटांपेक्षा ‘या’ व्यवसायातून करतोय भरघोस कमाई

January 27, 2025

Bobby Deol Net Worth l बॉबी देओलने (Bobby Deol) ‘बरसात’ (Barsaat) या चित्रपटातून हिंदी चित्रपटसृष्टीत (Bollywood) प्रवेश केला. कमी कालावधीतच त्याने चित्रपटसृष्टीत आपले स्थान निर्माण केले. कारकिर्दीच्या सुरुवातीला त्याने ‘गुप्त’ (Gupt), ‘अजनबी’ (Ajnabee), ‘बिच्छू’ (Bichhoo), ‘हमराज’ (Humraaz) आणि ‘सोल्जर’ (Soldier) सारखे अनेक हिट चित्रपट दिले. परंतु, बॉलिवूडमधील त्याची लोकप्रियता फार काळ टिकू शकली नाही.

अभिनयाच्या कारकिर्दीत बॉबी देओलने सलमान खान (Salman Khan) स्टारर ‘रेस ३’ (Race 3) चित्रपटातून पुनरागमन केले. यानंतर, ओटीटी मालिका (OTT Series) ‘आश्रम’ (Ashram) मधील बाबा निरालाची (Baba Nirala) त्याची भूमिका प्रेक्षकांना खूप आवडली.

रेस ३ नंतर, बॉबीने चित्रपटांमध्ये फारसे काम केले नाही, परंतु ओटीटीच्या जगात त्याने स्वतःसाठी एक खास स्थान निर्माण केले. बॉबी चित्रपटांमध्ये फारसा प्रसिद्ध नसला तरी संपत्तीच्या बाबतीत तो अनेक स्टार्सपेक्षा पुढे आहे. बॉबी देओलची गणना सर्वात श्रीमंत अभिनेत्यांमध्ये केली जाते.

बॉबी देओलची कमाई :

बॉबी देओल त्याच्या प्रत्येक चित्रपटासाठी २ ते ४ कोटी रुपये मानधन घेतो. याशिवाय, मुंबईत (Mumbai) त्याचे सुहाना (Suhana) आणि समप्लेस एल्स (Someplace Else) नावाची दोन चायनीज रेस्टॉरंट्स (Chinese Restaurants) आहेत, ज्यातून तो चांगली कमाई करतो. याशिवाय बॉबीची पत्नी तान्या (Tanya) हिचा द गुड अर्थ (The Good Earth) नावाचा व्यवसाय देखील आहे.

आलिशान घर आणि महागड्या गाड्यांचा ताफा :

बॉबी देओलचे मुंबईतील जुहू (Juhu) येथे एक अतिशय आलिशान घर (Luxurious House) आहे, ज्याची सध्याची किंमत ८ कोटी रुपये आहे. घरासोबतच त्याचे एक फार्म हाऊस (Farm House) देखील आहे. यासोबतच बॉबीला लक्झरी गाड्यांचाही (Luxury Cars) खूप शौक आहे. त्याच्या कार कलेक्शनमध्ये लँड रोव्हर (Land Rover), फ्रीलँडर २ (Freelander 2), रेंज रोव्हर वोग (Range Rover Vogue), मर्सिडीज-बेंझ एस-क्लास (Mercedes-Benz S-Class), पोर्श केयेन (Porsche Cayenne) सारख्या उत्तम गाड्या आहेत. मीडिया रिपोर्ट्सनुसार, त्याची एकूण संपत्ती सुमारे ५० कोटी रुपये आहे. अहवालांमध्ये असेही म्हटले आहे की बॉबी दरवर्षी सुमारे ८ कोटी रुपये कमवतो.

बॉबीचे आगामी चित्रपट :

बॉबी देओल सध्या त्याच्या आगामी ‘पेंटहाऊस’ (Penthouse), ‘अपने २’ (Apne 2) आणि ‘हाऊसफुल ५’ (Housefull 5) या चित्रपटांमध्ये व्यस्त आहे. याआधी त्याने ‘लव्ह हॉस्टेल’ (Love Hostel) चित्रपटात आपल्या अभिनयाची चुणूक दाखवली आहे.