Chhava l छत्रपती संभाजी महाराजांच्या (Chhatrapati Sambhaji Maharaj) जीवनावर आधारित ‘छावा’ (Chhava) चित्रपट अखेर बऱ्याच प्रतीक्षेनंतर चित्रपटगृहांमध्ये प्रदर्शित झाला आहे. मराठा साम्राज्यासाठी (Maratha Empire) संभाजी महाराजांचे योगदान काय होते, याची झलक विकी कौशलच्या (Vicky Kaushal) ‘छावा’ चित्रपटात उत्तम प्रकारे दाखवण्यात आली आहे. मात्र, चित्रपटाचा ट्रेलर (Trailer) प्रदर्शित झाल्यानंतर काही वाद निर्माण झाले होते.
कधी ‘छावा’ गाण्यावरून वाद झाला, तर कधी सीबीएफसीने (CBFC) चित्रपटातील काही दृश्यांवर आक्षेप घेतला. संभाजी महाराजांच्या कथेशी छेडछाड करू नये, असा आक्षेप लोकांनी घेतला होता. चित्रपट प्रदर्शित झाल्यानंतर, प्रेक्षकांच्या मनातील शंका दूर झाल्या आणि चित्रपटगृहांमध्ये ‘छावा’ हिट ठरला. चित्रपटाने पहिल्या दिवशी चांगली कमाई केली. ‘छावा’ हा विकी कौशलच्या कारकिर्दीतील सर्वाधिक ओपनिंग (Opening) करणारा चित्रपट ठरला आहे. विकीने ‘उरी’ (Uri), ‘राजी’ (Raazi), ‘साम बहादूर’ (Sam Bahadur) आणि ‘जरा हटके जरा बचके’ (Zara Hatke Zara Bachke) सारखे हिट चित्रपट दिले असले तरी, ‘छावा’ त्याचे नशीब बदलू शकतो, असे चित्रपटाच्या बॉक्स ऑफिस कलेक्शनवरून (Box Office Collection) दिसत आहे.
Chhava l ‘छावा’ची जगभरातील कमाई :
‘छावा’ चित्रपटाने देशांतर्गत बॉक्स ऑफिसवर अपेक्षेपेक्षा जास्त कमाई केली आहे. सोबतच, परदेशातही चित्रपटाने चांगली कामगिरी केली आहे. निर्मात्यांनी ‘छावा’च्या पहिल्या दिवसाच्या जगभरातील कमाईची आकडेवारी जाहीर केली आहे, त्यानुसार विकी कौशलच्या चित्रपटाने पहिल्याच दिवशी अर्धशतक पूर्ण केले आहे. मधोक फिल्म्सच्या (Madhok Films) मते, आगाऊ बुकिंगमध्ये (Advance Booking) कोट्यवधींची कमाई करणाऱ्या ‘छावा’ने पहिल्या दिवशी ५० कोटी रुपयांचा व्यवसाय केला आहे. पोस्टसोबत निर्मात्यांनी लिहिले आहे की, “ही छावाची गर्जना आहे. तो खऱ्या राजासारखा गर्जना करत होता. ऐतिहासिक हिंदी चित्रपटासाठी आतापर्यंतची सर्वात मोठी ओपनिंग.”
‘छावा’चे देशांतर्गत बॉक्स ऑफिस कलेक्शन :
‘छावा’ने परदेशात चांगली कामगिरी केली आहे, सोबतच भारतातही चित्रपटाने चांगली सुरुवात केली आहे. ‘छावा’ चित्रपटाने पहिल्या दिवशी देशांतर्गत बॉक्स ऑफिसवर ३३.१ कोटी रुपयांची कमाई केली आहे, जी या वर्षातील सर्वात मोठी ओपनिंग ठरली आहे.
‘छावा’ चित्रपटातील कलाकार :
लक्ष्मण उतेकर (Laxman Utekar) दिग्दर्शित ‘छावा’ चित्रपटात विकी कौशल छत्रपती संभाजी महाराजांची भूमिका साकारत आहे, तर रश्मिका मंदाना (Rashmika Mandanna) त्यांची पत्नी येसूबाईंच्या भूमिकेत आहे. अक्षय खन्नाने (Akshay Khanna) औरंगजेबाची (Aurangzeb) भूमिका साकारली आहे. चित्रपटात विनीत कुमार सिंग (Vineet Kumar Singh), आशुतोष राणा (Ashutosh Rana) आणि दिव्या दत्ता (Divya Dutta) यांच्याही महत्त्वाच्या भूमिका आहेत.
