मेहबूब शेख प्रकरणात मला पोलिसांची बाजू संशयास्पद वाटते- चित्रा वाघ

मुंबई | राष्ट्रवादी युवक काँग्रेसचे प्रदेशाध्यक्ष मेहबूब शेख यांच्याविरोधात बलात्काराची तक्रार देणारी तरुणी गायब झाल्याचं समजत आहे. याच पार्श्वभूमीवर भाजपच्या महिला प्रदेशाध्य चित्रा वाघ यांनी सणसणाटी आरोप केले आहेत.

पोलीस तपासाच्या नावाखाली आरोपीला वाचवण्याचा प्रयत्न पोलिसांकडून होत असल्याचा आरोप चित्रा वाघ यांनी केला आहे. यासंदर्भात त्यानी एक व्हिडीओ ट्विटरवर पोस्ट केला आहे.

पोलीस जरी आरोपीला वाचवत असले तरी आम्ही पीडितेच्या पाठीमागे आहोत. पीडितेने घाबरण्याचं कारण नाही. झालेल्या कृत्याबद्दल आरोपीला शिक्षा मिळायलाच हवी, असं चित्रा वाघ यांनी म्हटलं आहे.

दरम्यान, या प्रकरणात आरोपीबाबत कोणतेही पुरावे नाहीत. त्यामुळे साहजिकच आहे की पीडितेवर दबाब पडणार आणि ती पीडित आज गायब आहे. मला तिला सांगायचंय की आम्ही तुझ्यासोबत आहोत, असं चित्रा वाघ म्हणाल्या.

औरंगाबाद प्रकरणातील पिडीता ही आज सकाळपासून गायब झाल्याची माध्यमातून माहिती मिळाली मी पिडीतेला सांगू इच्छीते आम्ही तुझ्यासोबत आहोत तुला कुणालाही घाबरण्याची गरज नाही pic.twitter.com/3e13H4AYK8
— Chitra Kishor Wagh (@ChitraKWagh) January 5, 2021