माझी लाडकी बहीण योजनेत नव्याने पाच मोठे बदल, अर्ज भरण्यापूर्वी एकदा वाचून घ्या!

CM Mazi Ladki Bahin Yojana | राज्यात सध्या मुख्यमंत्री माझी लाडकी बहीण योजनेबाबत जोरदार चर्चा आहे. अर्थसंकल्पामध्ये उपमुख्यमंत्री अजित पवार यांनी या योजनेची घोषणा केली. सरकारने महिलांसाठी ही योजना आखली आहे. यासाठी महिलांना अर्ज करण्यासाठी 31 ऑगस्टपर्यंत वेळ देण्यात आला आहे.

सादर योजनेसाठी महिलांना अर्ज करणे सुलभ (CM Mazi Ladki Bahin Yojana) व्हावे यासाठी राज्य सरकारने अनेकवेळा अटी आणि शर्ती बदलल्या आहेत. आता पुन्हा काही नवीन बदल करण्यात आले आहेत. सरकारने नुकताच एक नवा जीआर काढला आहे. या नव्या निर्णयाअंतर्गत मुख्यमंत्री माझी लाकडी बहीण योजनेत पाच महत्त्वाचे आणि मोठे बदल करण्यात आले आहेत.

राज्याच्या महिला व बालविकासमंत्री आदिती तटकरे यांनी या नव्या जीआरबद्दल आपल्या एक्स खात्यावरून माहिती दिली आहे.या निर्णयात मुख्यमंत्री लाडकी बहीण योजनेसाठी करण्यात आलेल्या बदलांची माहिती देण्यात आली आहे. पण या बदलांपैकी प्रमुख पाच बदल हे फार महत्त्वाचे आहेत.

लाडकी बहीण योजनेत ‘हे’ पाच निर्णय महत्वाचे

  • नवविवाहित महिलेचे नाव लगेच रेशन कार्डवर लावणे शक्य (CM Mazi Ladki Bahin Yojana) होत नाही. त्यामुळे विवाह नोंदणी प्रमाणपत्र असलेल्या अशा नवविवाहित महिलेच्या पतीचे रेशनकार्ड हे उत्पन्नाचा दाखला म्हणून ग्राह्य धरले जाणार आहे.
  • परराज्यात जन्म झालेल्या व संबंधित महिला सध्या महाराष्ट्रात वास्तव्यास असेल तसेच या महिलने महाराष्ट्रातील अधिवास असलेल्या पुरुषाबरोबर विवाह केला असेल तर अशा बाबतीत महिलेच्या पतीचा जन्म दाखला, शाळा सोडल्याचे प्रमाणपत्र, अधिवास प्रमाणपत्र ग्राह्य धरण्यात येते. याशिवाय महिलेच्या पतीचे 15 वर्षांपूर्वीचे रेशनकार्ड व 15 वर्षांपूर्वीचे मतदानकार्ड ग्राह्य धरण्यात येणार आहे.
  • मुख्यमंत्री माझी लाडकी बहीण योजनेसाठी आता पोस्टातील बँक खातेदेखील ग्राह्य धरले जाणार आहे.
  • तसेच योजनेच्या ऑफलाईन अर्जावरील लाभार्थी महिलेच्या फोटोचा फोटो काढून तो ऑनलाईन अर्ज दाखल करण्यासाठी ग्राह्य धरण्यात येणार आहे.
  • आता सदर योजनेअंतर्गत नागरी व ग्रामीण भागातील(CM Mazi Ladki Bahin Yojana) बालवाडी सेविका, अंगवणवाडी सेविका, आशा सेविका, सेतु सुविधा केंद्र, आपले सरकार सेवा केंद्र यांना महिलांचे अर्ज भरून घेण्यासाठी प्राधिकृत करण्यात आले आहे. म्हणजेच वर नमूद केलेल्या व्यक्ती, आस्थापना महिलांचे अर्ज भरून घेऊ शकतात.

News Title –  CM Mazi Ladki Bahin Yojana update

महत्त्वाच्या बातम्या-

इंदिरा गांधींनी आणीबाणी लावली तो दिवस आता ‘संविधान हत्या दिन’ म्हणून घोषित!

बाहेर पडताना काळजी घ्या! राज्यात ‘या’ भागात आज अतिवृष्टीचा इशारा

“संविधानावर खरंच प्रेम असेल, तर नरेंद्र मोदी आणि राहुल गांधींनी मनुस्मृती जाळावी”

“मतदारांना धमकावून विजय?”; नारायण राणेंच्या खासदारकीला थेट हायकोर्टात आव्हान

“प्रत्येक आमदाराला 5 कोटींची ऑफर आणि..”; विधान परिषदेच्या निकालानंतर जितेंद्र आव्हाड यांचा दावा