बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

मुख्यमंत्र्यांनी बोलावली सर्वपक्षीय बैठक; फडणवीस राज ठाकरेंसह प्रमुख नेत्यांना केलं निमंत्रित

मुंबई |  मुंबईसह संपूर्ण महाराष्ट्रात लॉकडाऊन असूनदेखील कोरोनाबाधितांची संख्या झपाट्याने वाढते आहे. याच पार्श्वभूमीवर कोरोनाबातच्या उपाययोजना तसंच लॉकडाऊनमध्ये सुरू असलेल्या शिथीलतेच्या बाबतीत चर्चा करण्यासाठी मुख्यमंत्री उद्धव ठाकरे यांनी सर्वपक्षीय बैठक बोलावली आहे.

मुख्यमंत्री उद्धव ठाकरे यांनी बोलावलेल्या सर्वपक्षीय बैठकीला सत्ताधारी शिवसेना, राष्ट्रवादी तसंच काँग्रेसचे प्रमुख नेते त्याचबरोबर विरोधी पक्ष भाजप आणि मनसेला देखील निमंत्रित केलं गेलं आहे. या बैठकीला स्वत: मुख्यमंत्री उद्धव ठाकरे, उपमुख्यमंत्री अजित पवार, आरोग्यमंत्री राजेश टोपे, गृहमंत्री अनिल देशमुख, परिवहनमंत्री अनिल परब, महसूलमंत्री बाळासाहेब थोरात, मदत आणि आपत्ती व्यवस्थापन मंत्री विजय वडेट्टीवार उपस्थित राहणार असल्याचं कळत आहे. तसंच माजी मुख्यमंत्री देवेंद्र फडणवीस, विधानपरिषदेचे विरोधी पक्षनेते प्रवीण दरेकर, मनसे अध्यक्ष राज ठाकरे हे देखील उपस्थित राहणार असल्याची माहिती कळतीये.

या बैठकीत कोरोनाबाबतच्या होत असलेल्या उपाययोजनांवर तसंच लॉकडाऊन शिथील करण्यावर चर्चा होणं अपेक्षित मानलं जात आहे. विरोधी पक्षांची मतं आणि त्यांच्या सूचना मुख्यमंत्री ऐकून घेऊन त्यावर देखील कार्यवाही करण्याची तयारी तयारी दाखवू शकतात.

गेल्या 24 तासांत महाराष्ट्रात आतापर्यंत सर्वाधिक म्हणजे 1233 नवे कोरोनाबाधित रूग्ण आढळून आले आहेत. तर मुंबईची कोरोनाबाधित रूग्णांची आकडेवारी ही राज्य सरकारसाठी चिंतेचा विषय ठरली आहे. एकट्या मुंबईत कोरोनाबाधितांनी 10 हजारांचा टप्पा ओलांडला आहे.

ट्रेंडिंग बातम्या-

अतिश्रीमंत व्यक्तींच्या संपत्तीवर 2 टक्के कोरोना कर लावा; देशातल्या विचारवंतांची मागणी

लॉकडाऊनमुळे अडकलेल्या लोकांना घरी सोडण्यासाठी एस.टी. धावणार- परिवहनमंत्री

महत्वाच्या बातम्या-

वेळ, स्थिती आणि व्यवस्था बदलली पण बुद्धांचा विचार आजही निरंतर- मोदी

‘राज’पुत्राचा मुख्यमंत्र्यांना फोन; उद्धव यांचा देखील सकारात्मक प्रतिसाद

कठीण परिस्थितीवर मात करण्यासाठी सतत प्रयत्न करत राहणं हीच बुद्धांची शिकवण- नरेंद्र मोदी

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More