बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

मुस्लिम बांधवांना शुभेच्छा… रमजानमुळे समाजातील बंधुभाव अधिक दृढ होईल- उद्धव ठाकरे

मुंबई | मुख्यमंत्री उद्धव ठाकरे यांनी मुस्लिम बांधवांना पवित्र रमजान महिन्याच्या शुभेच्छा दिल्या आहेत. तसंच कोरोनाच्या लढाईमुळए आपल्याला घरातच राहून धार्मिक कार्यक्रम करावे लागणार आहेत. त्यामुळे आपण हे सगळे नियम पाळा, असं आवाहन त्यांनी केलं आहे.

कोरोना विरुद्धच्या लढ्यात जात धर्म विसरून आपण एकत्र येऊन मुकाबला करीत आहोत. एरव्ही आपण हा सण एकमेकांना भेटून आणि उत्सवासारखा सार्वजनिक ठिकाणी साजरा करतो मात्र आपण यंदा रमजानच्या महिन्यात सोशल डिस्टन्सिंगचे काटेकोरपणे पालन करावे आणि घरगुती स्वरूपातच धार्मिक कार्यक्रम करावेत असं आवाहन मुख्यमंत्र्यांनी केले.

मुस्लिम धर्मगुरुंनीही या कोरोना संकटात शासनाला चांगली साथ दिली आहे. मी त्यांनाही आवाहन करतो की कुठेही धार्मिक आणि सार्वजनिक स्थळी एकत्र न येता रमजानचा हा पवित्र सण साजरा करू यात आणि आपल्या तसेच समाजाच्या आरोग्याला प्राधान्य देऊ यात, असं ते म्हणाले.

दरम्यान, शनिवार पासून रमाजान महिन्याला सुरूवात होत आहे. रमजानमुळे समाजातील बंधुभाव अधिक दृढ होईल, असा आशावाद मुख्यमंत्र्यांनी व्यक्त केला.

ट्रेंडिंग बातम्या-

विद्यापीठाच्या ऑनलाईन परीक्षा कधी होणार?, उदय सामंत म्हणाले…

कोरोनामुळे जगभरातील उद्योग बुडाले मात्र ‘या’ तीन उद्योजकांची चांदी

Comments are closed.

This website uses cookies to improve your experience. We'll assume you're ok with this, but you can opt-out if you wish. AcceptRead More