Coastal Road Project l मुंबईकरांसाठी आनंदाची बातमी आहे. लवकरच कोस्टल रोडचा आणखी एक टप्पा खुला होण्याची शक्यता आहे. वांद्रे सी लिंकपासून ते मरिन ड्राइव्हला जाणारी दक्षिण वाहिनी ही येत्या 15 सप्टेंबरपर्यंत खुली केली जाणार असल्याची माहिती मुंबई महापालिकेने दिली आहे. त्यामुळे मरीन ड्राइव्हवरुन वांद्रे हे यानंतर अवघ्या 15 मिनिटांत गाठता येणार आहे.
मुंबई महापालिकेने नागरिकांना दिली गुड न्यूज :
आगामी विधानसभा निवडणुकांच्या पार्श्वभूमीवर सर्वच प्रकल्पाचे काम हे ऑक्टोबर महिन्यापर्यंत पूर्ण करण्याचे उद्दिष्ट सरकारने समोर ठेवले आहे. अशातच आता मरिन ड्राइव्ह ते वरळी आणि सी लिंकपर्यंत व त्यापुढे देखील वेगवान प्रवासासाठी मुंबई महापालिका प्रयत्न करत आहे.
अशातच मुंबई सागरी किनारा मार्ग प्रिन्सेस स्ट्रीट उड्डाणपूल ते वांद्रे वरळी सी लिंकच्या वरळी टोकापर्यंत 10.58 किमीचा हा मार्ग बांधण्यात येणार आहे. यातील पहिला टप्पा वरळी येथील बिंदू माधव ठाकरे चौक ते मरिन ड्राइव्ह हा मार्ग वाहन चालकांसाठी खुला देखील करण्यात आला आहे. तसेच आता वरळी सी लिंकपासूनही व त्यापुढे झटपट जाता येणे देखील शक्य होणार आहे.
Coastal Road Project l दक्षिण वाहिनी ‘या’ तारखेपर्यंत खुली होणार :
मुंबई महापालिकेने दिलेल्या माहितीनुसार, सी लिंकपर्यंतच्या विस्तारासाठी वांद्रे वरळी सी लिंकला दक्षिण वाहिनीच्या दिशेने गर्डर जोडण्यात आल आहे. त्यामुळे दक्षिण वाहिनी सुरू झाल्यावर वांद्रे- वरळी सी लिंकवरून मरीन ड्राईव्हला जाण्यासाठी हा मार्ग उपलब्ध होईल. तसेच येत्या 15 सप्टेंबरपर्यंत ही दक्षिण वाहिनी देखील सुरू करण्यात येण्याची शक्यता मुंबई महापालिका आयुक्त भूषण गगराणी यांनी दिली आहे.
सी लिंक विस्तारातील उत्तरेकडील म्हणजेच मरिन ड्राइव्ह ते वांद्रे दिशेने देखील आणखी एक गर्डर टाकण्याचे काम लवकरच केले जाणार आहे. हे काम पूर्ण करून संपूर्ण सागरी किनारा मार्ग डिसेंबर २०२४ पर्यंत खुला केला जाणार असल्याची माहिती त्यांनी दिली आहे.
News Title – Coastal Road Mumbai Opening From 15 Septemper Marine Drive To Bandra Sea Link
महत्त्वाच्या बातम्या-
सोन्याने दिली स्वस्ताईची वार्ता, ‘इतका’ घसरला भाव; जाणून घ्या आजचे दर
भाजपला मोठा धक्का, समरजितसिंह घाटगे ‘तुतारी’ फुंकणार; आज होणार जाहीर पक्षप्रवेश
1 सप्टेंबरपासून अर्ज भरणाऱ्या बहीणींना किती लाभ मिळणार?, 4500 की फक्त1500?
मोठी बातमी! हवाई दलाचं मिग 29 विमान कोसळून मोठा स्फोट; पाहा Video
‘या’ राशीच्या लोकांच्या दारी येईल लक्ष्मी, मिळेल पैसाच पैसा!