दिलासादायक! तब्बल 8 महिन्यानंतर पुण्यात एकही कोरोना मृत्यू नाही; पाहा आजची आकडेवारी

By टीम थोडक्यात On October 20, 2021 10:25 pm

पुणे | पुण्यात कोरोनाबाधितांच्या संख्येमध्ये घट होत आहे. तर डिस्चार्ज देण्यात येणाऱ्या रूग्णांची संख्या देखील जास्त आहे. आनंदाची बाब म्हणजे आज पुण्यात नव्या रूग्णांची नोंद कमी अन् डिस्चार्ज दिलेल्या रूग्णांची संख्या जास्त आहे. राज्य सरकारने केलेल्या लॉकडाऊनचा फायदा झाला असल्याचं या कमी झालेल्या संख्येवरून दिसत आहे.

पुण्यात आज दिवसभरात 112 पॉझिटिव्ह रुग्णांची वाढ झाली आहे. तर दिवसभरात 118 रुग्णांना डिस्चार्ज देण्यात आला आहे. आज कोरोनामुळे एकाही रूग्णाचा मृत्यू झालेला नाही. 6 फेब्रुवारी 2021 नंतर पहिल्यादांच आज एकाही मृत्यूची नोंद झाली नाही.

पुण्यात एकूण पॉझिटिव्ह रूग्णसंख्या 5,03,469 इतकी आहे. तर पुण्यात 988 ॲक्टिव्ह रुग्ण आहेत. आतापर्यंत एकूण 9,067 जणांचा कोरोनामुळे मृत्यू झाला आहे. तर आज 5,986 जणांची स्वॅब तपासणी करण्यात आली आहे.

दरम्यान, गेल्या काही दिवसांमागे दररोज नव्याने नोंद होणाऱ्या कोरोनाबाधितांची संख्या मोठ्या प्रमाणात होती. त्यादृष्टीने पुणे महानगरपालिका प्रशासनाने कडक पावलं उचललीत. त्यामुळे ही कमी झालेली आकडेवारी अशाच प्रकारे आणखी कमी व्हायला हवी.

थोडक्यात बातम्या-