डोंबिवलीत राजकीय कुटुंबाच्या लग्नात कोरोनाबाधित व्यक्ती; महापौरांसह नगरसेवकांनाही क्वारंटाईनचा सल्ला

By Babita.Durande On March 29, 2020 7:37 am

डोंबिवली | मुंबईत 12, कल्याण डोंबिवली 2, पुणे 4, नागपूर 3, जळगावात एक कोरोना पॉझिटिव्ह रुग्ण आढळला आहे. यात डोंबिवलीत कोरोना पॉझिटिव्ह रुग्ण ही महिला आहे. विशेष म्हणजे तिने एका राजकीय कुटुंबातील लग्नाला हजेरी लावली होती. त्यामुळे डोंबिवलीत भीतीचं वातावरण पसरलं आहे.

लग्नाच्या आदल्या दिवशी 18 मार्चला रात्री हळदीचा कार्यक्रम होता. या दोन्ही कार्यक्रमात 15 मार्चला तुर्कीहून आलेला नवरदेवाचा चुलतभाऊ सहभागी झाला होता. त्याला विमानतळावर होम क्वारंटाईनचा सल्ला दिला होता. मात्र तरीही हलगर्जीपणा दाखवत तो व्यक्ती हळदी आणि लग्न अशा दोन्ही सभारंभात सहभागी झाला. या लग्नात महापौर विनिता राणे यांच्यासह अनेक नगरसेवकदेखील उपस्थित होते.

या दोन्ही कार्यक्रमात हजारो संख्येने महिला, पुरुष, तरुण, तरुणी आणि लहान मुलंही उपस्थित होते. आता परदेशातून आलेला तरुण कोरोनाबाधित झाल्याने त्याच्यावर कस्तूरबा रुग्णालयात उपचार सुरू आहेत.

दरम्यन, या तरुणांच्या जवळच्या महिला नातेवाईकाचा रिपोर्ट पॉझिटिव्ह आल्याने प्रशासनाची झोप उडाली आहे. त्यामुळे डोंबिवलीत भीतीचे वातावरण पसरले आहे.

ट्रेंडिंग बातम्या-