वुहानमधील भारतीय तरुणी म्हणते, “…म्हणून मी भारतात परत येणार नाही”

By टीम थोडक्यात On April 10, 2020 11:29 am

मुंबई | चीनमधील वुहान आणि हुबई या शहरांमधून पसरलेल्या कोरोना व्हायरसने आत्तापर्यंत जगाला वेड लावलं आहे. कोरोनाने शक्तीशाली राष्ट्र असलेल्या राष्ट्रांचीही दैना केली आहे. मात्र सध्या वुहानमध्ये नव्याने कोरोनाची लागण होणाऱ्या बााधितांची संख्या शून्यावर आली आहे. त्यामुळे वुहानमधील नागरिकांनी आनंद व्यक्त केला आहे. अशातच भारतातील केरळ राज्यामधील अनीला पी अजयन या मुलीने परत न येता तिथेच थांबवण्याचा निर्णय घेतला आहे.

माझ्या माध्यमातून हा विषाणू भारतात येऊ नये असं मला वाटतं म्हणून मी भारतात परत न येण्याचा निर्णय घेतला आहे, असं चायनीज अकॅडमी ऑफ सायन्समधील हायड्रोबायलोजी इन्सटीट्यूटमध्ये (आयबीएच) डॉक्टरेटचं शिक्षण घेणाऱ्या अनीला हिने एका माध्यमाशी बोलताना सांगितलं.

मागील तीन महिन्यापासून मला वुहानमध्ये केवळ रुग्णवाहिकांच्या सायरन आणि चीनी भाषेतील रेडीओ मेसेजेसचाच आवाज ऐकू येत होता. मी येथे भेटलेले अनेक लोकं मला निराश दिसत होती. मात्र आता परिस्थिती बदलली आहे. आता सर्वजण आनंदी आहेत. सर्वजण जरा शांत झाले आहेत, असं अनीलाने म्हटलं आहे.

दरम्यान, येथे प्रत्येकाच्या चेहऱ्यावर सध्या आनंद दिसत आहे. मात्र प्रत्येकजण सतर्क आहेत. स्त्यांवर पुन्हा लोकं दिसू लागली आहेत. आमच्या इन्स्टीट्यूटमध्ये विद्यार्थीही परत येऊ लागले असल्याचं अनीलाने म्हटलं आहे.

ट्रेंडिंग बातम्या-