तबलिगी जमातीचे लोक डाॅक्टरांवरच थुंकले; शिवीगाळ केल्याचाही आरोप

नवी दिल्ली | दिल्लीच्या निजामुद्दीनमध्ये आयोजित तबलिगी जमात मर्कझच्या धार्मिक कार्यक्रमात सहभागी झालेल्या अनेकांना करोनाची लागण झाली आहे.यानंतर तबलिगी जमातच्या 167 सदस्यांना नॉर्थर्न रेल्वेच्या क्वारंटाइन सेंटरमध्ये हलवण्यात आलं आहे. मात्र यावेळी त्यांच्याकडून डॉक्टर आणि तिथे उपस्थित आरोग्य कर्मचाऱ्यांसोबत असभ्य वर्तन केलं जात आहे. नॉर्थन रेल्वेचे मुख्य जनसंपर्क अधिकारी दीपक कुमार यांनी ही माहिती दिली आहे.

क्वारंटाइनमधील कर्मचाऱ्यांसोबत चुकीचं वर्तन केलं. इतकंच नाही तर ते सगळीकडे थुंकत होते. त्यांच्यावर उपचार करण्यासाठी आलेल्या डॉक्टर आणि आरोग्य कर्मचाऱ्यांच्या अंगावरही थुंकत होते. तसंच हॉस्टेल इमारतीच्या आजुबाजूला फिरत होते, अशी धक्कादायक माहिती दीपक कुमार यांनी दिली आहे.

तबलिगी जमात निझामुद्दीनच्या 167 लोकांना पाच बसेसमधून तुघलकाबाद क्वारंटाइन सेंटरमध्ये आणण्यात आलं होतं. रात्री 9 वाजून 40 मिनिटांच्या सुमारास ते पोहोचले होते. यामधील 97 जणांना डिझेल शेड ट्रेनिंग स्कूल क्वारंटाइन सेंटरमध्ये ठेवण्यात आलं तर 70 जणांना आरपीएफच्या क्वारंटाइन सेंटरमध्ये जागा देण्यात आली आहे पण सकाळपासूनच हे लोक असभ्य वर्तन करत आहेत. जेवणाच्या अवास्तव मागण्या करत असल्याचं दीपक कुमार यांनी सांगितलं.

दरम्यान, तबलिगी मर्कझने आयोजित केलेल्या धार्मिक कार्यक्रमात सहभागी झालेल्या 50 जणांना करोनाची लागण झाली असल्याचं स्पष्ट झालं आहे. फक्त दिल्लीच नाही तर देशभरातील अनेक मुस्लीम या कार्यक्रमात सहभागी झाले होते.

ट्रेंडिंग बातम्या-

“संजय राऊत म्हणजे शरद पवारांच्या घरचं खरूजलेलं कुत्रं”

“मरकजमधील व्यक्तींनी पुढे येऊन तपासणीसाठी सहकार्य करावं, महाराष्ट्रात कोणताही धार्मिक कार्यक्रम नको”

महत्वाच्या बातम्या-

कोरोनाच्या लढ्यात इंदोरीकर महाराजांची ‘लाखमोलाची’ मदत!

भाजप नेत्यांनी पंतप्रधान मदतनिधीला पैसे मागितले; लोक म्हणाले, “लाज कशी वाटत नाही?”

राज्यात आज कोरोनाचे ३३ नवे रुग्ण, पाहा कोणत्या शहरात किती रुग्ण वाढले!