मोठी बातमी! पंतप्रधान नरेंद्र मोदींच्या जीवाला धोका?, अत्यंत धक्कादायक माहिती समोर

By Bhagyashri Konarde On April 1, 2022 2:42 pm

मुंबई | देशाचे पंतप्रधान नरेंद्र मोदी (Narendra Modi) यांच्या जीवाला धोका असल्याची धक्कादायक माहिती समोर येत आहे. पंतप्रधान नरेंद्र मोदी यांना जीवे मारण्याची धमकी देण्यात आली आहे. राष्ट्रीय तपास यंत्रणेच्या (NIA) मुंबई शाखेला याबाबतचा एक मेल आला आहे.

पंतप्रधान मोदींवर हल्ला करण्यासाठी दहशतवाद्यांचे 20 गट सक्रिय झाले असल्याचं या ई-मेलमध्ये लिहिलं आहे. ‘टीव्ही 9 भारतवर्ष’ने याबाबतची बातमी दिली आहे. तर पंतप्रधानांच्या जीवाला धोका असल्याची माहिती समोर येताच देशात चांगलीच खळबळ उडाली आहे.

आरडीएक्सच्या सहाय्याने स्फोट घडवून पंतप्रधान मोदींना घातपात करण्यात येईल, असंही या मेलमध्ये सांगण्यात आलं आहे. मेल केल्यानंतर आपली ओळख उघड होऊ नये व हा कट फसू नये यासाठी आपण आत्महत्या करणार असल्याचंही संबंधित व्यक्तीने मेलमध्ये म्हटलं आहे.

दरम्यान, दहशतवाद्यांचे 20 गट पंतप्रधान मोदींवर हल्ला करण्यासाठी सक्रिय झाले असल्याचा धक्कादायक दावा या मेलमधून करण्यात आला आहे. सध्या देशातील तपास यंत्रणांकडून या ई-मेलसंदर्भातील तपास सुरू आहे. तर हा मेल कोणी केला याबाबतची कोणतीही माहिती अद्याप समोर आलेली नाही.

थोडक्यात बातम्या-