Prajwal Revanna | देशातील लोकसभा निवडणकीचा पहिला निकाल जाहीर झाला आहे. कर्नाटकमधीन हासन लोकसभा मतदार संघातील जेडीएसचे उमेदवार प्रज्वल रेवण्णाचा पराभव झालाय. यंदाच्या निवडणुकीत प्रज्वल रेवण्णाचा (Prajwal Revanna) मुद्दा चांगलाच गाजला होता. अशात प्रज्ज्वल रेवण्णाला मतदारांनी जोरदार झटका दिला आहे.

प्रज्वल रेवण्णाचा पराभव

भाजप नेत्यांनाही या मुद्द्यावरुन प्रचाराला सामोरे जाताना अडचण आल्याचं दिसून आलं. कर्नाटकसह देशभरात प्रज्ज्वल रेवण्णाच्या मुद्द्यावरुन रणकंदन घडलं होतं. आता, निवडणूक निकालात जनतेनं नाकारल्याचं दिसून येत आहे.

दुपारी 12.45 वाजेपर्यंत हाती आलेल्या आकडेवारीनुसार प्रज्वल रेवण्णाला 4 लाख 91 हजार 067 मत मिळाली आहेत. तर, काँग्रेस उमेदवार श्रेयस पटेल यांना 5 लाख 14 हजार 485 मतं मिळाली आहे. त्यामुळे, सध्या 23,418 मतांसह पटेल आघाडीवर असल्याचं दिसून येत आहे. प्रज्ज्वल रेवण्णाचा पराभव झाल्याची माहिती समोर आलीये.

Prajwal Revanna | प्रज्वल रेवन्नाला अटक

दरम्यान, प्रज्वल रेवन्ना (Prajwal Revanna) कथित सेक्स प्रकरणात गेल्या काही दिवसांपासून अनेक घडामोडी घडल्या. सध्या प्रज्वल रेवन्ना (Prajwal Revanna) हे परदेशात फरार झाला होता. गेल्याच आठवड्यात जर्मनीतून भारतात आल्यानंतर प्रज्वल यास कर्नाटक पोलिसांनी (Karnataka Police ) बंगळुरु विमानतळावरुन अटक केली आहे.