बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

मोदी कॅबिनेट विस्ताराच्या हालचाली; देवेंद्र फडणवीस यांची मोदी मंत्रिमंडळात वर्णी?

मुंबई | कोरोना काळात देशावर मोठं संकट आलं होतं. त्यामुळे सर्वजण कोरोना परिस्थिती नियंत्रणात आणण्याच्या प्रयत्नात होते. त्यामुळे मोदी सरकारच्या दुसऱ्या कार्यकाळात मंत्रीमंडळाचा विस्तार करण्यात आला नव्हता. आता कोरोना परिस्थिती सुधारत असल्यानं पंतप्रधान नरेंद्र मोदी यांचा बहुप्रतीक्षित मंत्रिमंडळाचा विस्तार पुढच्या आठवड्यात होणार असल्याची शक्यता आहे.

मोदी सरकारच्या या मंत्रीमंडळाच्या विस्तारात महाराष्ट्राचे माजी मुख्यमंत्री आणि सध्याचे विरोधी पक्षनेते देवेंद्र फडणवीस यांची वर्णी लागण्याची शक्यता आहे. त्याच्या नावाची सध्या चर्चा सध्या दिल्लीत सुरू आहे. देवेंद्र फडणवीस यांच्यासह माजी माजी महिला व बालकल्याणमंत्री पंकजा मुंडे यांनाही केंद्रातील मंत्रीमंडळात स्थान दिलं जाऊ शकतं. महाराष्ट्रातील या दोन नेत्यांची वर्णी केंद्रात लागू शकते. फडणवीस यांच्याकडे रेल्वे किंवा ऊर्जा मंत्रालयाचा कारभार सोपवला जाण्याची शक्‍यता आहे.

देवेंद्र फडणवीस यांनी 29 जूनला दिल्ली दौरा केला होता. त्यात त्यांनी अनेक वरिष्ठ नेत्यांच्या भेटीगाठी घेतल्या होत्या. केंद्रीय मंत्री प्रल्हाद जोशी यांची त्यांनी सदिच्छा भेट घेतली होती. त्यानंतरच त्यांना केंद्रात बोलवण्याच्या चर्चा सुरू झाल्या होत्या. तर मागील काही दिवसांपासून ते केंद्रातील कामाचं देखील कौतूक करताना दिसत आहेत.

दरम्यान, ज्योतिरादित्य सिंधिया, आसामचे माजी मुख्यमंत्री सर्वानंद सोनोवाल, ओडिशामधून बैजयंत पांडा यांनाही मंत्रिमंडळात स्थान मिळणार असल्याची चर्चा आहे. यूपीतून तीन-चार नेत्यांना स्थान दिलं जाणार आहे. तर भाजपच्या मीडिया विभागाचे प्रमुख अनिल बलूनी यांनाही मंत्रीमंडळात घेतलं जाऊ शकतं.

थोडक्यात बातम्या-

“माझं शरद पवारांना आव्हान आहे की, डोक्यात दगड घालायचं…”

लोकांना लसीकरणात काय अडचणी येतात हे पाहण्यासाठी मंत्र्यांनी रांगेत उभं रहावं- नरेंद्र मोदी

“तुम्ही तरी एकच काच फोडली, आम्ही एक सुद्धा काच शिल्लक ठेवणार नाही”

गोपीचंद पडळकरांच्या गाडीवर झालेला हल्ल्ला हा भाजपने घडवून आणलेला स्टंट, राष्ट्रवादीच्या नेत्याचा गंभीर आरोप

राज्यपालांच्या पत्रावर नवाब मलिकांचं प्रत्युत्तर, म्हणाले…

Shree

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More