Karuna Sharma | बीड जिल्ह्यातील मस्साजोग (Massajog) गावचे सरपंच संतोष देशमुख (Santosh Deshmukh) यांच्या हत्या प्रकरणानंतर राष्ट्रवादी काँग्रेसचे (अजित पवार गट) मंत्री धनंजय मुंडे (Dhananjay Munde) यांच्यावर आरोपांचे सत्र सुरूच आहे. सामाजिक कार्यकर्त्या अंजली दमानिया (Anjali Damania) यांनी आधीच मुंडेंवर भ्रष्टाचाराचे आरोप केले होते, त्यातच आता करूणा शर्मा (Karuna Sharma) यांनीही मोठे आरोप करत त्यांच्यावर टीका केली आहे.
“धनंजय मुंडेंनी जमिनी बळकावल्या”
त्या म्हणाल्या, “मस्साजोग प्रकरणात सुप्रिया सुळे (Supriya Sule) जसे लक्ष देत आहेत, तसेच माझ्याबाबतही न्याय द्यावा. कलेक्टर कार्यालयात वाल्मिक कराड (Walmik Karad) यांनी मंत्री धनंजय मुंडेंसमोर माझ्यावर हल्ला केला. त्या घटनेची सीसीटीव्ही फूटेज उपलब्ध करून द्यावी,” अशी मागणी त्यांनी केली. तसेच, “मुंडेंनी अनेक लोकांच्या जमिनी कब्जा केल्या आहेत, त्या सोडवण्यासाठी सरकारने मदत करावी,” असेही त्यांनी सांगितले.
“धनंजय मुंडेंना अजित पवार वाचवत आहेत”
करूणा शर्मा यांनी पुढे “धनंजय मुंडेंनी मोठ्या प्रमाणात भ्रष्टाचार केला असून, अंजली दमानिया यांच्याकडे त्या प्रकरणांचे पुरावे आहेत. मात्र, अजित पवार (Ajit Pawar) सातत्याने त्यांना वाचवत आहेत,” असा आरोप केला.
त्याचबरोबर, “धनंजय मुंडेंनी आतापर्यंत 3,000 वंजारी समाजातील लोकांवर खोट्या एफआयआर दाखल केल्या आहेत,” असा मोठा दावा त्यांनी केला. त्या पुढे म्हणाल्या, “अजित पवार यांच्यावर माझा विश्वास नाही. अंजली दमानियांनी पुरावे दिले, पण त्यांनी काहीच कारवाई केली नाही.”
करूणा शर्मा म्हणाल्या, “वाल्मिक कराडने मारहाण केली, तो आता जेलमध्ये सडतोय. आता धनंजय मुंडेंचीही तीच अवस्था होणार आहे,” असा घणाघात त्यांनी केला. या आरोपांमुळे धनंजय मुंडेंवरचा दबाव वाढत चालला असून, राष्ट्रवादी (अजित पवार गट) यावर काय भूमिका घेणार? याकडे सर्वांचे लक्ष लागले आहे. (Karuna Sharma)
Title : Dhananjay Munde in Trouble Karuna Sharma Alleges Ajit Pawar Shielding Him
