आंदोलन की पिझ्झा पार्टी म्हणणाऱ्या ट्रोलर्सला दिलजीत दोसांजचं उत्तर, म्हणाला...

नवी दिल्ली | दिल्लीच्या सीमेवर आंदोलन करणारे शेतकरी पिझ्झा खात असल्याचे अनेक फोटो सोशल मीडियावर व्हायरल झाले. यावरून काही लोकांनी शेतकरी आंदोलकांवर टीका केली.

खरे शेतकरी सध्या शेतीच्या कामात मग्न आहेत, मग हे कुठले शेतकरी? पिझ्झा, ड्राय फ्रुट्स, चहा, दुध, अस्सल तूप लावलेली गरमा गरम रोटी, डाळ, स्वादिष्ट भाज्या, तंबूमध्ये आरामदायी बेडस, हे आहे आधुनिक काळातले आंदोलन, यही तो है अच्छे दिन ! , हे आंदोलन आहे की पिकनिक, आंदोलन की पिझ्झा पार्टी अशी टीका अनेक नेटक-यांनी केली होती. या टीकाकारांना अभिनेता दिलजीत दोसांजने जोरदार प्रत्युत्तर दिलंय.

शेतकरी विष पित होता तेव्हा त्याची चिंता नव्हती. आता तो पिझ्झा खातोय तर त्याची न्यूज होतेय, असं ट्विट दिलजीतने केलं.

दरम्यान, दिलजीत दोसांजचं हे ट्विट सध्या तुफान व्हायरल होत आहे. अनेकांनी हे ट्विट रिट्विट केलंय.