बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

अशोक चव्हाणांची हकालपट्टी करा; मराठा ठोक क्रांती मोर्चाची मागणी

मुंबई | मराठा समाजाच्या हितासाठी अशोक चव्हाण यांनी एकही बैठक घेतली नाही. मराठा समाजासाठी केलेली ठोस कामं जाहीर केली नाहीत, तर त्यांची मराठा आरक्षण उपसमितीच्या अध्यक्षपदावरून हकालपट्टी करावी. अशी मागणी मराठा क्रांती ठोक मोर्चाचे मुख्य समन्वयक रमेश केरे-पाटील यांनी मुख्यमंत्र्यांकडे केली आहे. यासंबंधीचं पत्रही मुख्यमंत्री कार्यालयात देण्यात आलं आहे.

या मागणीकडं दुर्लक्ष केल्यास ९ ऑगस्ट रोजी जनआंदोलनाचा इशाराही रमेश केरे-पाटील यांनी दिला आहे. मराठा आरक्षणाच्या निकालाची सुनावणी ७ जुलैला होणार आहे. कोर्टात आपली बाजू भक्कम मांडण्यासाठी सरकारनं किती तयारी केली आहे? असा सवालही केरे- पाटील यांच्याकडून विचारण्यात आला.

सरकार मराठा आरक्षणासाठी करत असलेल्या उपाययोजनांची माहिती समाजाला मिळणं गरजेचं आहे. मात्र अद्याप मराठा उपसमितीची बैठक घेण्यात आलेली नाही. जर बैठक होणार नसेल, तर चव्हाणांना अध्यक्ष पदावरून हटविण्यात यावं. असंही मुख्यमंत्री कार्यालयाला पाठविण्यात आलेल्या पत्रात नमूद करण्यात आलं आहे.

मात्र केरे-पाटील यांनी केलेले आरोप अपूर्ण माहितीवर असल्याचं अशोक चव्हाण यांच्या कार्यालयातून स्पष्ट करण्यात आलं आहे. उपसमिती स्थापनेचा निर्णय झाल्यावर दुसऱ्याच दिवशी विधानसभेत बैठक पार पडली. सर्वोच्च न्यायालयातील सुनावणी होण्यापूर्वीही उपसमितीची बैठक बोलावण्यात आली होती. असंही कार्यालयातून सांगण्यात आलं आहे.

ट्रेंडिंग बातम्या-

तुकाराम मुंढेंच्या आयुष्यात पहिल्यांदाच गैरव्यवहाराचा आरोप, महापौरांनी उचललं मोठं पाऊल!

सुशांतच्या दोषींना सोडणार नाही, मुख्यमंत्री उद्धव ठाकरेंचा शब्द

महत्वाच्या बातम्या-

पाकिस्तानी खेळाडूंच्या मानगुटीवर कोरोना, या खेळाडूंना झाली लागण

आता लग्न आणखी ‘मंगल’ होणार, राज्य सरकारकडून या गोष्टीला परवानगी

ऑनलाईन वर्ग कसे सुरू आहेत, मुख्यमंत्र्यांकडून पाहणी तसंच विद्यार्थ्यांशी संवाद

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More