आता मुलींच्या भविष्याची काळजी मिटेल, ‘असे’ मिळू शकतात 71 लाखपर्यंत रुपये

January 26, 2025

Empowering Daughters The Sukanya Samriddhi Yojana

Sukanya Samriddhi Yojana | पालकांना आपल्या मुलींच्या भविष्याची काळजी वाटणे साहजिकच आहे. त्यांच्या शिक्षणाचा आणि लग्नाचा खर्च कसा भागवायचा हा प्रश्न अनेकांना सतावतो. अशा पालकांसाठी भारत सरकार एक दिलासादायक योजना घेऊन आले आहे, जिचे नाव आहे सुकन्या समृद्धी योजना (Sukanya Samriddhi Yojana). ही योजना पोस्ट ऑफिस (Post Office) मार्फत राबवली जात असून, मुलींच्या आर्थिक सक्षमीकरणासाठी ती अत्यंत महत्त्वाची भूमिका बजावते.

जानेवारी 22, 2025 रोजी या योजनेला दहा वर्षे पूर्ण झाली. या योजनेच्या माध्यमातून मुलींसाठी भरीव असा आर्थिक निधी उभारता येतो. ही योजना मुलींच्या आर्थिक गरजा पूर्ण करण्यासाठी आणि त्यांच्या भविष्याला आकार देण्यासाठी महत्वाची अशी योजना आहे.

आर्थिक सुरक्षा

दीर्घकालीन आर्थिक लाभासाठी ही योजना अतिशय फायदेशीर आहे. या योजनेअंतर्गत, पालकांना मुलीच्या नावे खाते उघडून त्यात नियमितपणे गुंतवणूक करावी लागते. या योजनेत जमा होणारा निधी हा भविष्यात मुलीच्या शिक्षणासाठी, विवाहासाठी किंवा इतर महत्त्वाच्या गरजांसाठी वापरता येतो.

योजनेची कमाल गुंतवणूक मर्यादा लक्षात घेता, या योजनेतून जवळपास 70 लाख रुपयांचा निधी जमा करणे शक्य आहे. विशेष म्हणजे, ही योजना सर्वाधिक व्याज देणारी एक छोटी बचत योजना असून, यावर मिळणारे उत्पन्न पूर्णपणे करमुक्त आहे.

योजनेची खास वैशिष्ट्ये

या योजनेत पालकांना फक्त 15 वर्षांसाठी गुंतवणूक करायची आहे. परंतु, सरकार पुढील सहा वर्षांसाठी, म्हणजेच योजनेचा परिपक्वता कालावधी पूर्ण होईपर्यंत, म्हणजेच 21 वर्षापर्यंत एकूण क्लोजिंग बॅलन्सवर व्याज देत राहते. (Sukanya Samriddhi Yojana)

ही योजना पूर्णपणे करमुक्त असून, यावर तीन वेगवेगळ्या स्तरांवर कर सवलतीचा लाभ मिळतो. या योजनेची सर्वात आकर्षक बाब म्हणजे, मॅच्युरिटीनंतर एकूण गुंतवणुकीच्या तिप्पट रक्कम मिळण्याची हमी आहे.

70 लाखांचा निधी कसा उभाराल?

समजा, तुम्ही जानेवारी 2025 मध्ये या योजनेत खाते उघडले. या योजनेत सध्या वार्षिक 8.2 टक्के व्याजदर मिळत आहे. यानुसार, जर तुम्ही दरवर्षी दीड लाख रुपयांची गुंतवणूक 15 वर्षांसाठी केली, तर तुमचे एकूण 22 लाख 50 हजार रुपये जमा होतील. (Sukanya Samriddhi Yojana)

या योजनेचा मॅच्युरिटी कालावधी 21 वर्षांचा आहे. या 21 वर्षांमध्ये तुम्हाला एकूण व्याजापोटी 46 लाख 77 हजार 578 रुपये मिळतील. अशाप्रकारे, तुमची एकूण गुंतवणूक आणि त्यावर मिळणारे व्याज मिळून 21 वर्षानंतर, म्हणजेच मॅच्युरिटी पूर्ण झाल्यानंतर, तुम्हाला एकूण 69 लाख 27 हजार 578 रुपये मिळतील. तुम्ही 2025 मध्ये खाते उघडल्यास, ही योजना जानेवारी 2046 मध्ये मॅच्युअर होईल.