Fatty Liver l फॅटी लिव्हरला नॉन-अल्कोहोलिक फॅटी लिव्हर डिसीज (NAFLD) म्हणून ओळखले जात होते, ज्याला आता मेटाबॉलिक डिसफंक्शन-असोसिएटेड लिव्हर डिसीज (MASLD) म्हणून ओळखले जाते. याच्या नावात झालेला बदल मेटाबॉलिक डिसऑर्डर (Metabolic Disorder) आणि मेटाबॉलिक सिंड्रोमशी (Metabolic Syndrome) त्याचा असलेला मजबूत संबंध दर्शवतो.
MASLD एक गंभीर समस्या म्हणून उदयास येत आहे. अलीकडील अभ्यासात असे दिसून आले आहे की भारतीय लोकसंख्येमध्ये याचे प्रमाण 9 ते 53 टक्क्यांपर्यंत वाढले आहे, विशेषतः मधुमेह (Diabetes) आणि उच्च कोलेस्ट्रॉल (High Cholesterol) असलेल्या लोकांमध्ये.
फॅटी लिव्हर एक गंभीर आरोग्य समस्या आहे कारण यामुळे सिरोसिस (Cirrhosis) आणि लिव्हरशी संबंधित आजार दीर्घकाळ तुम्हाला त्रास देऊ शकतात. फॅटी लिव्हर मधुमेहाचे कारण कसे बनत आहे, असा प्रश्नही उपस्थित होतो. मणिपाल हॉस्पिटल, जयनगर येथील मेडिकल गॅस्ट्रोएन्टेरोलॉजी (Medical Gastroenterology) सल्लागार डॉ. प्रतिभा सेट्टी (Dr. Pratibha Shetty) यांनी फॅटी लिव्हर नवीन मधुमेहाचे कारण का बनत आहे आणि ते कसे टाळता येईल याबद्दल माहिती दिली आहे.
आरोग्य तज्ज्ञ काय म्हणतात?
डॉ. प्रतिभा सेट्टी यांच्या मते, बदलती जीवनशैली MASLD च्या कारणांपैकी एक आहे. अयोग्य आहार, निष्क्रियता आणि तणाव MASLD चा धोका वाढवतात. ही स्थिती मेटाबॉलिक सिंड्रोमशी संबंधित आहे, ज्यामध्ये लठ्ठपणा (Obesity), उच्च रक्तदाब (High Blood Pressure) आणि इन्सुलिन प्रतिरोध (Insulin Resistance) यांचा समावेश होतो. हे सर्व लिव्हरमध्ये फॅट जमा करतात.
Fatty Liver l फॅटी लिव्हर कसे कमी करावे?
संतुलित आहार घ्या: भाज्या, फळे, लीन प्रथिने (Lean protein) आणि संपूर्ण धान्य (Whole grains) यांसारख्या पदार्थांचा आहारात समावेश करा. गोड, प्रक्रिया केलेले (Processed) आणि जास्त चरबीयुक्त पदार्थ कमी प्रमाणात खा.
दररोज व्यायाम करा: दररोज किमान 30 मिनिटे व्यायाम करा. यासाठी तुम्ही चालू शकता किंवा घरी किंवा जिममध्ये व्यायाम करू शकता.
तणावापासून दूर राहा: तणावापासून दूर राहण्यासाठी दीर्घ श्वसन, ध्यान (Meditation) किंवा योगा (Yoga) यांसारख्या तणावमुक्ती तंत्रांचा अवलंब करू शकता.
Disclaimer : वर दिलेली माहिती अंमलात आणण्यापूर्वी तज्ञांचा सल्ला घ्या.
