Gajanan kirtikar | लोकसभेच्या निवडणुकीचे पाच टप्पे आता पार पडले आहेत. मतदान झालंय आता 4 जून रोजी नेत्यांचं भवितव्य ठरेल. राज्यात महायुती आणि महाविकास आघाडीकडून जोरदार प्रचार करण्यात आला. मात्र, मुंबईतील मतदारसंघात पिता एका गटात तर पुत्र एका गटात असं चित्र दिसून आलं.
उत्तर-पश्चिम मुंबई लोकसभा मतदार संघात हा प्रकार दिसून आला. येथे महाविकास आघाडीकडून शिवसेनेचे (उद्धव बाळासाहेब ठाकरे ) अमोल किर्तीकर उभे राहिले आहेत. तर, महायुतीकडून येथे शिंदे गटाकडून रवींद्र वायकर यांना तिकीट देण्यात आलंय.
मात्र, अमोल किर्तीकर यांचे वडील गजानन किर्तीकर हे शिंदे गटात असून ते शिंदे गटाचे प्रचारक होते. त्यांनी आपल्या स्वतःच्या लेकाविरुद्धच इथे प्रचार केला.त्यामुळे या निवडणुकीत कुटुंबातही दोन गट पडल्याचं पाहायला मिळालं. अशात गजानन किर्तीकर यांनी एक मोठा खुलासा केलाय.
त्यांनी मुलगा अमोलला मुख्यमंत्री एकनाथ शिंदे यांनी ऑफर दिल्याचा खुलासा केलाय. माध्यमांशी संवाद साधताना किर्तीकर यांनी आपल्याच पक्षाला म्हणजेच शिंदे गटाला घरचा आहेर दिलाय. अगोदर मुलाविरोधात प्रचार केला. आता त्यांनी शिंदे गटावरच निशाणा साधलाय.
काय म्हणाले गजानन किर्तीकर?
“अमोल निष्ठावंत कार्यकर्ता आहे. तो उद्धव ठाकरेंसोबतच आहे. त्याला स्वतः मुख्यमंत्री एकनाथ शिंदे यांनी ऑफर दिली होती. त्याला शिंदेंनी विधानपरिषदेसह अनेक आमिष दिलीत पण तो कणखर होता.त्याने ठाकरेंसोबत राहणं निवडलं.इतके आमिष दाखवूनही अमोल निष्ठावंत राहिला.”, असं गजानन किर्तीकर म्हणाले आहेत.
निवडणूक झाल्यानंतर शिंदे गटाचे खासदार गजानन किर्तीकरांचे (Gajanan kirtikar ) सूर काहिसे बदल्याचे आता दिसून येत आहेत. त्यांनी अमोल किर्तीकर निष्ठावंत आहेत. अनेक अमिष दाखवूनही तो शिंदेंकडे गेला नाही, असं म्हटलंय. त्यामुळे राजकीय वर्तुळात सध्या गजानन किर्तीकर चर्चेत आले आहेत.
गजानन किर्तीकरांचा शिंदे गटाला घरचा आहेर
यावेळी त्यांनी मतदानाच्या पद्धतीवर देखील टीका केली. “महाराष्ट्रात कधी पाच टप्प्यात निवडणुका झाल्यात?,जवळपास 40 दिवस निवडणुका चालल्या. त्यांनी असं का केलं? दोन किंवा तीन टप्यात होतं.पण, हे पाच टप्प्यात निवडणुका घेण्याचं कारण काय?”, असा सवाल देखील यावेळी गजानन किर्तीकरांनी केला. तसंच मुंबईत संथगतीने मतदान झाल्याचं देखील गजानन किर्तीकरांनी (Gajanan kirtikar ) म्हटलं.
News Title – Gajanan Kirtikar Big statement on amol Kirtikar
महत्त्वाच्या बातम्या-
गुजरातच्या जीएसटी आयुक्तांनी महाराष्ट्रातलं अख्खं गाव विकत घेतलं!
महेंद्रसिंह धोनीने घेतला सर्वांत मोठा निर्णय; पोस्ट करत म्हणाला..
सध्या चर्चेत असलेल्या पोर्शे कारची किंमत आहे तरी किती? जाणून घ्या फीचर्स आणि किंमत
सोन्याचा ग्राहकांना मोठा दिलासा; ‘इतक्या’ रुपयांनी भाव घसरले