“एकनाथ खडसे अन् माझे प्रेम आधीपासूनचं”; त्यामुळेच आम्ही… भाजप नेते असं का म्हणाले?

December 23, 2024

Eknath Khadse l महायुतीच्या सत्तास्थापनेनंतर विधानसभेचं हिवाळी अधिवेशन नागपूर येथे पार पडलं. या अधिवेशनामध्ये राष्ट्रवादी काँग्रेस शरदचंद्र पवार पक्षाचे आमदार एकनाथ खडसे आणि भाजपचे जलसंपदा मंत्री गिरीश महाजन यांच्यात जोरदार खडाजंगी झाली होती. यावर भाजप नेते गिरीश महाजन यांनी स्पष्टीकरण दिले आहे.

एकनाथ खडसे आणि माझे प्रेम आधीपासूनचं :

भाजप नेते गिरीश महाजन म्हणाले, एकनाथ खडसे आणि माझे प्रेम आधीपासूनचं आहे. त्यामुळे एकनाथ खडसे माझ्याविषयी कायम कमरेखालचे बोलत असतात. त्यामुळे मला देखील त्यांना त्यांच्या भाषेत उत्तर द्यावे लागते. तसेच एकनाथ खडसे माझ्याबद्दल ज्या पद्धतीने बोलतात त्यामुळे त्यांच्याविषयी मला राग येणे स्वभाविक आहे.

महायुतीच्या मंत्रिमंडळात गिरीश महाजन यांना जलसंपदा खात्याची जबाबदारी मिळाली आहे. त्यासंदर्भात गिरीश महाजन म्हणाले की, जलसंपदा विभागाची जबाबदारी माझ्यावर आली या गोष्टीचा मला खूप आनंद आहे. कारण 2014 ते 2019 दरम्यान देखील मी हे खाते सांभाळले होते.त्यामुळे आता जलसंपदा या खात्याची जबाबदारी घेताना अनेक कामे मी केली. आता आणखी चांगले काम मला जलसंपदा या खात्याच्या माध्यमातून करायची आहेत.

Eknath Khadse l भुजबळांना मंत्रिमंडळात घ्यायला पाहिजे होत :

गिरीश महाजन यांनी आमदार छगन भुजबळ यांच्या नाराजीवर देखील भाष्य केलं आहे. छगन भुजबळ साहेब हे ओबीसी समाजाचे मोठे नेते आहेत. त्यामुळे त्यांना मंत्रिमंडळात घ्यायला पाहिजे होते. परंतु अजित पवार व राष्ट्रवादीचा तो अंतर्गत विषय आहे. त्यामुळे मी त्या विषयावर भाष्य करु शकत नाही.

तसेच कल्याणध्ये परप्रांतीय लोकांनी केलेले हल्ले ही बाब अत्यंत दुर्दैवी आहे. त्यामुळे या विषयी कोणाचीही मुजोरी खपवून घेतली जाणार नसल्याचं आमदार गिरीश महाजन म्हंटले आहेत.