Gold-Silver Rate Today | आज 30 ऑगस्ट महिन्याच्या शेवटच्या टप्प्यात ग्राहकांना दिलासा मिळाला आहे. या 15 दिवसांत सोने आणि चांदी या दोन्ही धातूंना मोठी उसळी घेता आली नाही. दरवाढ झाली मात्र त्यानंतर घसरण दिसून आली. आज सकाळच्या सत्रात देखील घसरणीचे संकेत दिसून आले. (Gold-Silver Rate Today )

सोने-चांदीचे दर

या आठवड्याच्या सुरुवातीला सोन्याच्या किंमतीत बदल दिसला नाही. 27 ऑगस्ट रोजी सोन्यात थोडीफार घसरण झाली. तर 28 ऑगस्ट रोजी सोने 220 रुपयांनी महागले. 29 ऑगस्ट रोजी भाव स्थिर होता. तर आज सकाळी पुन्हा भाव खाली आले.

इंडियन बुलियन्स अँड ज्वेलर्स असोसिएशननुसार (IBJA) आता 22 कॅरेट सोने 67,300 रुपये प्रति 10 ग्रॅम तर 24 कॅरेट सोन्याचा भाव 73,400 रुपये प्रति 10 ग्रॅम आहे. तर, चांदीमध्ये गेल्या दोन दिवसांपासून कोणताच बदल नोंदवला गेला नाही. 27 ऑगस्ट रोजी चांदीत 600 रुपयांची वाढ झाली. 28 ऑगस्ट रोजी चांदीच्या किंमतीत बदल झाला नाही. आज सकाळच्या सत्रात चांदीत घसरणीचे संकेत आहेत. गुडरिटर्न्सनुसार, एक किलो चांदीचा भाव 88,500 रुपये आहे.

14 ते 24 कॅरेटचा भाव-

गुडरिटर्न्सनुसार, 24 कॅरेट सोने 72,001, 23 कॅरेट 71,713, 22 कॅरेट सोने 65,953 रुपयांवर घसरले. 18 कॅरेट आता 54,001 रुपये, 14 कॅरेट सोने 42,121 रुपये प्रति 10 ग्रॅमवर आहे. तर, एक किलो चांदीचा भाव 85,072 रुपये इतका झाला. (Gold-Silver Rate Today )

दरम्यान,वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर किंवा शुल्क लागू केला जात नाही. तर सराफा बाजारात शुल्क आणि कराचा समावेश होत असल्याने भावात तफावत दिसून येते.(Gold-Silver Rate Today )