बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

विमाधारकांसाठी आनंदाची बातमी; अटी पूर्ण होत नसतील तर ‘या’ कालावधीत करू शकता पॉलिसी रद्द

नवी दिल्ली | आयआरडीएने एक परिपत्रक जारी केलं आहे. ज्यामध्ये नमूद केलं आहे की, जर विमाधारकाच्या स्टँडर्ड पर्सनल अपघाताची आवश्यकता पूर्ण होत नाही किंवा अटी आवडल्या नसतील तर खरेदीच्या 15 दिवसांच्या आत विमाधारक पॉलिसी परत करू शकतात.

भारतीय विमा नियामक आणि विकास प्राधिकरणाने पॉलिसी खरेदी करणाऱ्यांना अतिरिक्त अधिकार दिले आहेत. पॉलिसी कागदपत्रं मिळाल्यानंतर विमाधारकाला अटी आणि शर्तींचा आढावा घेण्यासाठी 15 दिवसांचा वेळ दिला जाणार आहे. विमा नियामकाने या पंधरा दिवसांच्या कालावधीला ‘फ्री लुक पीरियड’ असं नाव दिलं आहे. जर पॉलिसी खरेदीदारांना अटी मान्य नसतील, तर ते पॉलिसी परत करू शकतात.

फेब्रुवारी महिन्यात स्टँडर्ड पर्सनल अपघात कव्हरसाठी मार्गदर्शक सूचना देताना आयआरडीएने फ्री लुक पीरियडबद्दल कोणतीही माहिती दिली नाही. त्यामुळे हा प्रश्न उपस्थित झाला की, जर विमाधारक पॉलिसीच्या अटींवर समाधानी नसेल तर काय होईल? त्यांना विनामूल्य स्वरूप कालावधीत पॉलिसी रद्द करण्याची संधी मिळणार का? मात्र, विमा नियामकाने आता हे स्पष्ट केलं आहे की, फक्त नवीन पॉलिसी घेणाऱ्यांना फ्री लुक पीरियड मिळणार आहे. या सुविधेचा लाभ पॉलिसी रिन्यूअलवर मिळणार नाही. तसंच, जर विमाधारकाने फ्री लुक पीरियडमध्ये कोणताही हक्क सांगितला नाही तर विमा कंपनीने केलेल्या आरोग्य तपासणीचे पैसे परत केले जातील. तर मुद्रांक शुल्क देखील परत केले जाईल.

दरम्यान, आयआरडीएने सांगितलं की, ‘सोप्या भाषेत खरेदी केलेल्या विमा पॉलिसीबाबत तुम्ही समाधानी नसल्यास त्याला ठरलेल्या कालावधीत रद्द करू शकता. सर्वसाधारणपणे, सर्व पॉलिसींमध्ये फ्री लूक पीरियडची तरतूद आहे, जी खरेदीदारास त्याचे पुनरावलोकन करण्याचे स्वातंत्र्य देते’.

थोडक्यात बातम्या

देवेंद्र फडणवीस हे सह्याद्री आणि मोदींपेक्षाही मोठे नेते, पण…- संजय राऊत

संतापलेल्या हत्तीचा फोटो काढणं बेतलं असतं जिवावर, पाहा व्हिडिओ

‘ही’ इलेक्ट्रिक स्कूटर 20 पैशांत धावेल एक किलोमीटरपर्यंत; जाणून घ्या किंमत

सुप्रिया सुळे यांनी घेतली सोनिया गांधींची भेट; राजकीय वर्तुळात चर्चांना उधाण

‘केरळमध्ये लोक उच्चशिक्षित असल्यानं भाजपला मत देत नाहीत’; ‘या’ भाजप नेत्याचा घरचा आहेर

Comments are closed.

This website uses cookies to improve your experience. We'll assume you're ok with this, but you can opt-out if you wish. AcceptRead More